Հնէաբանները Իսրայելի Հրեական անապատում գտնվող «Սարսափների քարանձավում» երեխայի 6000 տարեկան կմախք են հայտնաբերել՝ Մեռյալ ծովի հին բյուրեղների, ինչպես նաեւ աշխարհի ամենահին զամբյուղի կողքին:
«Սարսափների քարանձավն» իր անունը ստացել է 1960-ականների պեղումների ժամանակ այստեղ հայտնաբերված 40 կմախքների պատճառով: Հետազոտողները հայտնաբերել են, որ երեխայի բնական կերպով մումիֆիկացված մնացորդները պահպանվել են քարանձավի չոր մթնոլորտում:
Համակարգչային տոմոգրաֆիան ցույց է տվել, որ երեխան, որի կմախքի վրա մասամբ մաշկ, ջիլեր ու նույնիսկ մազեր են պահպանվել, 6-12 տարեկան է եղել, եւ, ըստ Smithsonian Magazine-ի, ենթադրվում էր, որ դա աղջիկ է:
Իսրայելի հնությունների վարչության (IAA) պատմաբան Ռոնիտ Լուպուի խոսքով՝ պարզ է, որ ով թաղել է երեխային, կտորի ծայրերը տակն է դրել, ինչպես ծնողն իր երեխային ծածկում է վերմակով: Երեխայի ձեռքերում գործվածքի մի փոքր կտոր է եղել սեղմված:
