Լիրայի ռեկորդային անկման ֆոնին Թուրքիայի նախագահ Ռեջեփ Էրդողանն արտասահմանցի ներդրողներին կոչ է արել հավատալ Թուրքիայի տնտեսությանը, հաղորդում է AP-ը:
Անցած շաբաթ Էրդողանն աշխատանքից ազատել է կենտրոնական բանկի ղեկավար Նաչի Ագբալին, նրան փոխարինել է Սահապ Կավչիօղլուն, ով հանդես է եկել ցածր տոկոսադրույքների օգտին՝ կիսելով Էրդողանի կարծիքը:
Էրդողանը կարծում է, որ բարձր տոկոսադրույքները գերաճ են առաջացնում՝ չնայած նրան, որ առավել բարձր տոկոսադրույքներ սովորաբար ամրապնդում են արժույթն ու օգնում պայքարել գնաճի դեմ:
«Արտասահմանցի ներդրողներին կոչ եմ անում հավատալ Թուրքիայի տնտեսությանը, Թուրքիայի ուժին եւ պոտենցիալին: Վերջին օրերի տատանումները չեն արտացոլում Թուրքիայի տնտեսության հիմքերը, նրա իրական դինամիկան, ներուժը կամ նրա վաղվա օրը»,-ասել է նա:
Նա նաեւ քաղաքացիներին կոչ է արել ներդնել ցանկացած արտասահմանյան արժույթ կամ ոսկի, որոնք նրանք պահում են տանը, բանկերում՝ տնտեսությանն աջակցելու համար:
Տնտեսական խնդիրների ֆոնին Էրդողանը մեղմել է արտաքին քաղաքականության իր հռետորաբանությունը՝ փորձելով հարթել խնդրային հարաբերություններն ու արտասահմանյան ներդրումներ ներգրավել:
Չնայած 2018 թվականի կեսերին արժութային դժվարություններին՝ Թուրքիան այն քիչ երկրներից էր, որոնք տնտեսական աճ ցուցաբերեցին 2020 թվականի ընթացքում շնորհիվ պետական խթանիչների, հարկային արտոնություններ եւ պետական բանկերի էժան վարկերի: