Windows 10-ի մեծ թարմացման մեջ «Ուղեցույցի» արտաքին տեսքը կվերամշակվի: ՕՀ-ում ամենապահանջված ծրագրերից մեկի փոփոխությունների մասին հայտնում է WindowsLatest-ը:
Ինտերֆեյսում փոփոխությունները հայտնաբերել են Microsoft Insider Preview թեստային ծրագրի մասնակիցները: Համար 21343 հավաքածուում վերամշակվել են ֆայլային համակարգի հավելվածի բոլոր նշանները, ներառյալ «Զամբյուղի» եւ թղթապանակների պատկերագրերը: Նոր դիզայնը կատարված է Fluent Design գրաֆիկական ինտերֆեյսի ոճով:
Windows 10-ի ինտերֆեյսի թարմացումը Microsoft-ը լայն հանրությանն է ներկայացնելու 2021 թվականի երկրորդ կեսին, երբ կթողարկվի Windows 10 21H2 Sun Valley մեծ թարմացումը:
