News
Լրահոս
News
Ուրբաթ
Մարտ 29
Տեսնել լրահոսը

Ես, անշուշտ, կողմ եմ (Արցախի իշխանությունների) ռուսերենին պաշտոնական կարգավիճակ տալու որոշմանը: Այս մասին մարտի 25-ին NEWS.am-ի հետ զրույցում ասաց Ռուսաստանի Պետդումայի ԱՊՀ գործերով, եվրասիական ինտեգրման և հայրենակիցների հետ կապերի հանձնաժողովի նախագահի առաջին տեղակալ, պատգամավոր  Կոնստանտին Զատուլինը:

«Ես գիտեմ, որ Լեռնային Ղարաբաղի բնակչությունը՝ թերեւս, այդպես էր նախկինում, լավ գիտեր ռուսերեն եւ հարգանքով էր վերաբերվում ռուսաց լեզվին: Այսօր ստեղծված հանգամանքներում ես հասկանում եմ, թե ինչու է կայացվել այդ որոշումը. թեկուզ միայն այն պատճառով, որ Ռուսաստանի ստանձնած դերը Ղարաբաղում խաղաղության պահպանման գործում, մեր խաղաղապահների ներկայությունը, իհարկե, ինչպես ինձ է թվում, Լեռնային Ղարաբաղը մերձեցնում է Ռուսաստանին: Ռուսաց լեզվի իմացությունը մեր զինծառայողների հետ մշտական ​​կապի մեջ գտնվող բնակչության համար, որոնցից շատ բան կախված է, առաջին հերթին՝ խաղաղությունը տարածաշրջանում, կարծում եմ դա օգտակար կլինի»,- ասաց Զատուլինը:

Հիշեցնենք, որ Արցախի գիտության, կրթության, մշակույթի, երիտասարդության եւ սպորտի հարցերի մշտական ​​հանձնաժողովի նախագահ Արամ Հարությունյանը մարտի 25-ին NEWS.am-ի հետ զրույցում հայտարարել էր, որ ռուսաց լեզուն պաշտոնական լեզվի կարգավիճակ է ստացել Արցախում:

Նա շեշտել էր, որ խոսքը ռուսերենին երկրորդ պաշտոնական լեզվի կարգավիճակ տալու մասին է, իսկ Արցախի միակ պետական ​​լեզուն շարունակում է հայերենը մնալ:

 

!
Այս նյութը հասանելի է նաև   English and Русский
Տպել
Ամենաշատ