Երկու ենթադրյալ մահապարտ պայթեցրել են իրենք իրենց Ինդոնեզիայի Մաքասար քաղաքի կաթոլիկ եկեղեցու մոտ. վիրավորվել է 14 մարդ, հաղորդում է Reuters-ը՝ հղում անելով տեղի ոստիկանությանը:
Պայթյունի պահին եկեղեցում գտնվել են հավատացյալներ. պատարագն ավարտին էր մոտենում:
Ազգային ոստիկանության մամուլի քարտուղար Արգո Յուվոնոյի խոսքով՝ իշխանություններն ուսումնասիրում են, թե որ արմատական ցանցերի ներկայացուցիչներ են մահացած ահաբեկիչները եւ կապվա՞ծ է արդյոք նրանց հարձակումը վերջին շրջանում ենթադրյալ ահաբեկիչների ձերբակալությունների հետ:
Հունվարին հակաահաբեկչական ստորաբաժանումն իրականացրել էր ռեյդեր Մաքասարում ահաբեկիչների թաքստոցի վրա եւ սպանել երկու մարդու, որոնք կասկածվում էին 2019 թվականին Ֆիլիպիններում եկեղեցու պայթյունների մեջ, որոնց հետեւանքով զոհվել էր ավելի քան 20 մարդ: