Պատերազմի ընթացքում զոհվել է 15 ռազմական բժիշկ եւ 1 կամավոր բժիշկ, 60 ֆելդշեր եւ սանինստրուկտոր: Այդ մասին մարտի 28-ին կայացած մամուլի ասուլիսի ժամանակ հայտարարել է ՊՆ ռազմաբժշկական վարչության պետ Սահակ Օհանյանը:
Նրա խոսքով՝ հակառակորդը բազմիցս հարձակվել է հոսպիտալների եւ բժշկական բրիգադների, ավտոմեքենաների վրա: Կան տեսաապացույցներ: «Այդ ամենը վկայում է, որ հակառակորդը բազմիցս խախտել է պատերազմի ընդունված նորմերը, գրված եւ չգրված կանոնները, Ժնեւի կոնվենցիաները»,-ընդգծել է Սահակ Օհանյանը:
Միեւնույն ժամանակ, նա հայտնել է, որ հայկական կողմն ապահովել է գերիներին բժշկական օգնությամբ:
Հայաստանի օմբուդսմենն ուղարկել է ՄԱԿ-ին զեկույց՝ ներկայացնելով բոլոր ապացույցներն ու փաստերը:
