Եթե մեղադրանքը վերաորակավորվի, իրենք եւս մեկ անգամ կհաստատեն, որ սա քաղաքական հետապնդում է: Այս մասին, այսօր՝ մարտի 30-ին, դատարանի բակում լրագրողների հետ զրույցում նշեց պաշտպանության նախկին նախարար Սեյրան Օհանյանը:
Հարցին՝ եթե գործը կարճվի, պատրաստվո՞ւմ է արդյոք բարոյական վնասի փոխհատուցում պահանջել, Սեյրան Օհանյանն արձագանքեց. «Փաստաբանների հետ կխորհրդակցեմ: Այս ամենը բարոյականությունից որոշակի առումով դուրս է: Ինձ համար ընկած մարդկանց, ստոր մարդկանց հետապնդելը կյանքի նպատակ չէ»:
Հիշեցնենք, որ մարտի 26-ին Սահմանադրական դատարանը ՀՀ ՔՕ 300.1-րդ հոդվածը ճանաչել է Սահմանադրության 78-րդ (համաչափության սկզբունքը) եւ 79-րդ (որոշակիության սկզբունքը) հոդվածներին հակասող եւ անվավեր։
Նշենք, որ այս հոդվածի հատկանիշներով է մեղադրանք առաջադրված ՀՀ երկրորդ նախագահ Ռոբերտ Քոչարյանի, Պաշտպանության նախկին նախարար Սեյրան Օհանյանի, ԶՈՒ ԳՇ նախկին պետ Յուրի Խաչատուրվի, ՀՀ նախագահի աշխատակազմի նախկին ղեկավար Արմեն Գեւորգյանի նկատմամբ։