Բրիտանիայում Ազգային հիմնադրամի ձեղնահարկում 121-ամյա շոկոլադե սալիկ են հայտնաբերել, որը տրվել է բրիտանական զորքերին՝ Հարավային Աֆրիկայում անգլո-բուրերի պատերազմի ժամանակ մարտական ոգին բարձրացնելու համար, հայտնում է BBC-ն:

Օրիգինալ փաթեթավորման եւ թիթեղյա տարայի մեջ շոկոլադե սալիկը 1900 թվականին Վիկտորյա թագուհու պատվիրած խմբաքանակի մի մասն է եղել: Այն հայտնաբերվել է Նորֆոլկի Օքսբուրգում պատերազմի ժամանակվա սաղավարտի պատյանի մեջ:

Ազգային հիմնադրամի մշակութային ժառանգության համակարգող Աննա Ֆորեստն ասել է, որ դա «հիանալի գտածո է»:

8-րդ բարոնետ սըր Հենրի Էդվարդ Պաստոն-Բեդինգֆելդին պատկանող շոկոլադը հայտնաբերվել է Ազգային հիմնադրամի պահպանողականների կողմից։

Վիկտորյա թագուհին բրիտանական երեք արտադրողների՝ Fry-ին, Cadbury-ին եւ Rowntree-ին, պատվիրել է արտադրել ավելի քան 100 000 շոկոլադե սալիկ: Ազգային հիմնադրամը հայտնել է, որ լինելով քվակերներ-պացիֆիստներ, ովքեր դեմ էին պատերազմին, երեք արտադրողները հրաժարվել են պատվերի համար վճար ընդունել եւ ի սկզբանե շոկոլադը նվիրել են առանց պիտակի տարաների մեջ:

Ենթադրվում է, որ յուրաքանչյուր զինվոր եւ սպա ստացել է «Հարավային Աֆրիկա 1900» պիտակով եւ «Մաղթում եմ ձեզ ուրախ Նոր տարի» թագուհու գրառմամբ տուփ։