Աֆղանստանի նախագահ Աշրաֆ Հանը «Թալիբան» շարժման հետ խաղաղության նոր առաջարկէ նախապատրաստել միջազգային խորհրդաժողովին ընդառաջ, որի նպատակն է խթանել բանակցությունները երկու պատերազմող կողմերի միջեւ, հայտնում է AFP-ն:
Ըստ պաշտոնական աղբյուրների՝ Հանին մտադիր է իր եռափուլ ծրագիրը ներկայացնել ՄԱԿ-ի աջակցությամբ Թուրքիայում անցկացվող խորհրդաժողովին, որին կմասնակցեն ԱՄՆ-ն, Ռուսաստանը եւ տարածաշրջանի այլ առանցքային երկրներ: Միջոցառման օրը դեռ որոշված չէ:
Անցյալ տարի բանակցված համաձայնագրի շրջանակներում Միացյալ Նահանգները մինչ մայիսի 1-ն ընդամենը մի քանի շաբաթ ունեն Աֆղանստանից բոլոր զորքերը դուրս բերելու համար:
Հանիի եռափուլ առաջարկությունը Թալիբանի հետ քաղաքական կարգավորում եւ հրադադարի ռեժիմի հայտարարում է ներառում՝ միջազգային վերահսկողության ներքո: Ապա նա արտահերթ նախագահական ընտրություններ է առաջարկում, որոնց թալիբները կարող են մասնակցել՝ «խաղաղության կառավարություն» ձեւավորելու համար:
Պաշտոնյաները հայտարարել են, որ Հանին արդեն կիսվել է իր ծրագրով մի քանի միջազգային դիվանագետների հետ: