News
Լրահոս
News
Հինգշաբթի
Մարտ 28
Տեսնել լրահոսը

Զինծառայողը շարունակել է ծառայությունը՝ առանց պատշաճ բուժզննության:

Հելսինկյան Քաղաքացիական Ասամբլեայի Վանաձորի գրասենյակից NEWS.am-ին հայտնում են, որ առողջական խնդիրներով զորակոչված զինծառայողին պատերազմական գործողություններին մասնակցելուց հետո, չնայած առողջական վիճակի բարդացմանը, բուժզննության չէին ենթարկում։ Պաշտպանության նախարարությանը ՀՔԱՎ-ի գրություններից հետո վերջապես նա ներկայացվեց բժշկական փորձաքննության, որի արդյունքների հիման վրա վաղաժամ զորացրվեց։

2020 թվականի դեկտեմբերի 23-ին ՀՔԱ Վանաձորի գրասենյակ էր դիմել 2020 թվականի օգոստոսին զորակոչված Յ․Դ․-ի մայրը՝ իր որդու առողջական խնդիրների հարցով։

Մինչ զորակոչվելը՝ զինծառայողն ունեցել է կակազություն և սրտի հետ կապված խնդիրներ։ Երևանի բժշկահոգեբանական կենտրոնի 2015 թվականի բուժզննության արդյունքներով համարվել է կրթության առանձնահատուկ պայմանների կարիք ունեցող։

Զորակոչի ընթացքում անցնել է հետազոտություն «Արմենիա» ԲԿ-ում, սակայն, չի մնացել ստացիոնարում, չի ուղեգրվել հետագա բուժզննումների և չի անցել դինամիկ հսկողություն, այնինչ, ըստ ՀՀ Կառավարության 404 որոշման 68-րդ հոդվածի․ «Կակազության դեպքում փորձաքննվողը ենթարկվում է հիմնավոր հետազոտության՝ ներառելով նյարդաբանի, հոգեբույժի և քիթկոկորդականջաբանի (նաև լոգոպեդի) խորհրդատվությունը։ Կակազության արտահայտվածության աստիճանը որոշվում է տարբեր պայմաններում խոսելու ֆունկցիայի վիճակի դինամիկ հսկողությամբ և գնահատվում է հիվանդության դրսևորման ամենացայտուն պահերով։ Փորձաքննական եզրակացության համար նշանակություն ունի հրամանատարության բնութագիրը՝ ներառյալ, թե կակազությունը որքանով է անդրադառնում փորձաքննվողի ծառայողական պարտականությունների կատարման վրա»։

Բացի դրանից՝ զինծառայողն ունեցել է սրտի հետ կապված խնդիրներ, մասնավորապես՝ ներփորոքային հաղորդակցության խանգարում, հազվասրտություն և հաճախասրտություն։

Յ․ Դ․-ը մասնակցել է 2020 թվականի սեպտեմբերի 27-ին Ադրբեջանի զինված ուժերի կողմից սանձազերծված պատերազմին, և ինչպես նշում է մայրը՝ թեև Յ․ Դ․-ի մոտ վիճակը ավելի էր բարդացել, սակայն շարունակում էր կատարել ծառայողական պարտականությունները։ Չնայած նրան, որ զորակոչվելուց ի վեր արձանագրված են եղել առողջական խնդիրները, դրանք հաշվի չեն առնվել ո՛չ զորակոչի, ո՛չ զինվորական ծառայության ընթացքում։

ՀՔԱ Վանաձորի գրասենյակը դիմել էր ՀՀ պաշտպանության նախարարին զինծառայողի առողջական վիճակի համալիր հետազոտման, լիարժեք բուժումը, ֆիզիկական և հոգեկան վիճակի վերականգնումը ապահովելու հարցերով։

Միայն ՀՔԱՎ-ի մի շարք գրություններից և պահանջից հետո Պաշտպանության նախարարությունը Յ․ Դ․-ին ուղեգրեց  ՀՀ ՊՆ կենտրոնական կլինիկական զինվորական հոսպիտալ՝ փորձաքննության նպատակով, որի արդյունքների հիման վրա ճանաչվել է ոչ պիտանի զինվորական ծառայությանը և վաղաժամ զորացրվել։

ՀՔԱ Վանաձորի գրասենյակի խաղաղասիրական ծրագրերի համակարգող Արմինե Սադիկյանը նշում է․ «Ամբողջ հարցը կայանում է ուշ բուժզննություն իրականացնելու մեջ․ ինչքանով են զորակոչի և զինծառայության ընթացքում իրականցվում պատշաճ և ժամանակին բժշկական հետազոտություններ։ Եթե քաղաքացին չդիմեր մեզ, իսկ մենք՝ Պաշտպանության նախարարությանը, ստացվում է, որ քաղաքացին առողջական լուրջ խնդիրների առկայությամբ շարունակելու էր զինվորական ծառայությունը, ինչը կարող է հանգեցնել ոչ արդյունավետ զինվորական ծառայության»։   

Տպել
Կարդացեք նաև
Ամբողջը
Զինծառայող Ավագ Զաքարյանի սպանության մեղադրանքով կալանավորվել է համածառայակիցը. ՔԿ
Փաստական տվյալներ են ստացվել, որ ժամը 17։55-ի սահմաններում ՀՀ հյուսիսարևելյան սահմանագծին տեղակայված մարտական դիրքում՝ խրամուղում…
Ատեստավորումից գերազանց ստացող շարքային պայմանագրայինը մարտական հերթափոխ իրականացնելիս կստանա 526 հազար դրամ
Բրիգադի սերժանտի աշխատավարձը մինչեւ ատեստավորումը կազմում է 209 հազար...
Ինչու՞ են բանակում շատացել մահվան դեպքերը, ովքե՞ր, ե՞րբ եւ ի՞նչ պատիժ են կրել դրա համար. պատգամավորը՝ ՊՆ փոխնախարաին
Դուք ԱԺ-ում եք, հանրային հարթակում եւ բոլոր հնարավոր ուղղություններից մեզ լսում են...
Զինծառայող Ավագ Զաքարյանի մահվան դեպքի առթիվ քրեական վարույթ է նախաձեռնվել սպանության հատկանիշներով
Ավելի վաղ ՀՀ պաշտպանական գերատեսչությունից հայտնել էին, որ փետրվարի 24-ին...
Պետությունը հրաժարվում է բացահայտել լեյտենանտ Արտակ Նազարյանի սպանությունը. Ծովինար Նազարյան
Արդարադատության համակարգը մեծ անակնկալ կաներ մեզ, եթե չարհամարհեր ՄԻԵԴ-ի քննադատությունը եւ չշարունակեր «նախկիններից» եկած ավանդույթը…
Պարտադիր ժամկետային զինծառայողի սպանության գործը դատախազն ուղարկել է դատարան
2024 թվականի հունվարի 29-ին հաստատել է ՀՀ ՊՆ զորամասի մարտական դիրքում...
Ամենաշատ