Մալթան կվերաբացի իր դեսպանատունը Լիբիայում եւ կվերսկսի չվերթները: Այս մասին հայտարարել է վարչապետ Ռոբերտ Աբելան, հաղորդում է AFP-ը:
«Մենք մոտ օրերս մտադիր ենք վերաբացել մեր դեսպանատունն ու հյուպատոսությունը Լիբիայում: Կվերսկսվի նաեւ օդային հաղորդակցությունը»,-ասել է նա:
Մալթան, որը գտնվում է Տրիպոլիից Միջերկրական ծովով 350 կմ հեռավորության վրա, Լիբիայի առանցքային քաղաքական եւ տնտեսական գործընկերն է:
