Ապրիլի կեսերին Մեծ Բրիտանիան կսկսի պատվաստումները Moderna ընկերության պատվաստանյութով, երեքշաբթի հայտնել է պատվաստումների հարցերով նախարար Նադիմ Զահավին՝ հավելելով, որ պատվաստումների ծրագիրն ընթանում է կառավարության կազմած ծրագրի համաձայն:
«Այն (պատվաստանյութը - խմբ.) կսկսի կիրառվել մոտավորապես ապրիլի երրորդ շաբաթվա ընթացքում»,- ասել է նա BBC-ին:
Բրիտանացի նախարարը նաեւ համոզմունք է հայտնել, որ կառավարությունը կհասնի իր նպատակին, որը կայանում է մինչեւ հուլիսի վերջ բոլոր մեծահասակներին COVID-19-ի դեմ պատվաստանյութերի առաջին դեղաչափով ապահովելու մեջ:
