News
Լրահոս
News
Ուրբաթ
Մարտ 29
Տեսնել լրահոսը

Իրանի փոխարտգործնախարար Աբաս Արաքչին, ով գլխավորում է իրանցի բանակցողների պատվիրակությունը երեքշաբթի կայացած Գործողությունների համատեղ համապարփակ ծրագրի համատեղ հանձնաժողովի (JCPOA - խմբ.) նիստին, հասկացրել է, որ Միացյալ Նահանգները պետք է ամբողջությամբ եւ «մեկ քայլով»վերացնեն հակաիրանական պատժամիջոցները, եթե դրանք իսկապես ձգտում են վերադառնալ միջուկային գործարքին, փոխանցում է Tasnim-ը:

Երեքշաբթի Վիեննայում Press TV-ին տված հարցազրույցում Արաքչին հաստատել է, որ հանդիպմանը չեն մասնակցել ԱՄՆ ներկայացուցիչները եւ որ դրան քննարկվել են միայն իրանական խնդիրները ԳՀՀԾ-ի մնացած անդամների կամ 4+1 խմբի հետ, մասնավորապես՝ Ռուսաստանի, Չինաստանի, Ֆրանսիայի, Մեծ Բրիտանիայի եւ Գերմանիայի:

«Մնացած ստորագրածներն ավելի ուշ կխոսեն ամերիկացիների հետ: Եվ դա նրանց գործն է: Մենք այդ գործով չենք զբաղվում: Մենք միայն բանակցություններ ենք վարում 4+1 խմբի հետ»,- ասել է նա:

Իրանի փոխարտգործնախարարն արձագանքել է նաեւ Վաշինգտոնի մեկնաբանություններին այն մասին, որ Թեհրանի պնդումն առ այն, որ ԱՄՆ-ն պետք է վերացնի պատժամիջոցները, վկայում է ԳՀՀԾ վերադառնալու լրջության մասին:

Այդպիսի դիտողությունները, ըստ Արաքչիի, վկայում են «անլրջության մասին նրանց (սեփական) կողմից, քանի որ նրանք իրենք են լքել ԳՀՀԾ-ն եւ պատժամիջոցներ կիրառել»:

«Դա Իրանի Իսլամական Հանրապետության միանգամայն տրամաբանական եւ շատ ողջամիտ պահանջն է: Նրանք (ամերիկացիները) դուրս են եկել ԳՀՀԾ-ից եւ պատժամիջոցներ են կիրառել: Ուստի ակնհայտ է, որ եթե նրանք ցանկանում են վերադառնալ, ապա պետք է վերացնեն բոլոր այս պատժամիջոցները, բոլորը միասին՝ մեկ քայլով»,- ասել է Արաքչին:

Նա նաեւ նշել է, որ Իրանը երբեք չի փորձել խուսափել միջուկային համաձայնագրի կատարումից՝ հայտարարելով, որ եթե Թեհրանն այդպիսի նպատակ հետապնդեր, ապա շատ ավելի շուտ կլքեր այն՝ Վաշինգտոնի կողմից այն լքելուց հետո:

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ԱՄՆ-ն Նիգերին մեղադրել է Իրանի հետ ուրանի վերաբերյալ գործարք պատրաստելու մեջ. WSJ
Նիգերը որոշել է խզել ռազմական համաձայնագիրը Վաշինգտոնի հետ...
Իրանը հայտնել է, որ պատրաստ է քննարկել միջուկային գործարքի վերականգնումը ԵՄ ցանկության դեպքում
Իրանը պատրաստ է քննարկել...
ԱՄՆ- ն Իրանում ուրանի մակարդակի հարստացման աշխատանքները ռազմական բնույթի է համարում
Իրանը կպաշտպանի իր միջուկային ծրագրի խաղաղ զարգացման իրավունքը. Ռաիսի
Միջուկային զենք ունեցող երկրները ձգտում են թույլ չտալ Իրանի ժողովրդին իրականացնել իր օրինական իրավունքը...
Իրանը բավարար քանակությամբ հարստացված ուրան ունի միջուկային մի քանի մարտագլխիկ ստեղծելու համար․ «ՄԱԳԱՏԷ»-ի տնօրեն
Գործակալությունը գրում է, որ Իրանը խափանում է իր միջուկային ծրագրի ուսումնասիրության ուղղությամբ ձեռնարկվող միջազգային ջանքերը․․․
ԱՄՆ-ը և Եվրոեռյակի երկրները կարծում են, որ Իրանի ուրանի հարստացման տեմպերը քաղաքացիական նպատակներով չեն բացատրվում 
Ինչպես հետևում է փաստաթղթից, Մեծ Բրիտանիայի, ԱՄՆ-ի, Ֆրանսիայի և Գերմանիայի իշխանությունները կարծում են, որ Ատոմային էներգիայի միջազգային գործակալության (ՄԱԳԱՏԷ) զեկույցում պարունակվող տվյալները վկայում են այն մասին...
Ամենաշատ