Պետք է մեր զինված ուժերի ապագա կառուցվածքի հետ կապված քննարկումներ ունենանք: Այս մասին, այսօր՝ ապրիլի 8-ին, կառավարության նիստում հայտարարեց ՀՀ վարչապետ Նիկոլ Փաշինյանը:
«Նաեւ ժամկետային զինվորական ծառայության սկզբունքների հետ կապված՝ ինչքանով պետք է բանակը լինի պրոֆեսիոնալ, ինչքանով պետք է հենվի ժամկետայինների վրա, ինչքանով պետք է հենվի պրոֆեսիոնալների վրա: Ոչ թե պայմանագրայինների, այլ պրոֆեսիոնալների վրա, որովհետեւ պրակտիկայում տեսանք, որ կա որոշակի եւ շատ էական տարբերություն ուղղակի պայմանագրային զինծառայողի եւ պրոֆեսիոնալ զինծառայողի միջեւ: Բայց սրանք ընդամենը օրակարգ են:
Մենք այս հարցերով պետք է շատ լուրջ եւ խորը քննարկում ունենանք եւ կայացնենք որոշումներ»,-ասաց վարչապետը:
