Արաբական Միացյալ Էմիրությունները երկու տիեզերագնաց կուղարկի տիեզերք՝ Մուհամեդ ալ-Մոլային եի Նուրա ալ-Մաթրուշին: Այս մասին Twitter-ի իր էջին հայտարարել է Արաբական Միացյալ Էմիրությունների վարչապետ Մուհամեդ բեն Ռաշիդ Ալ Մաքթումը, փոխանցում է «Գազետա»-ն:
Նշվում է, որ այս հավակնորդներն ընտրվել են 4 հազար թեկնածուից եւ շուտով կմիանան Օդագնացության և տիեզերական տարածության հետազոտությունների ազգային գործակալության (NASA)՝ տիեզերագնացների նախապատրաստման ծրագրին:
Այսպիսով, Ալ-Մաթրուշն արաբական աշխարհի առաջին կին տիեզերագնացը կդառնա:
2019 թվականի սեպտեմբերի 25-ին «Բայկոնուր» տիեզերակայանից ուղեծիր արձակվեց «Սոյուզ-ՖԳ» կրիչ հրթիռը՝ «Սոյուզ ՄՍ-15» տիեզերանավի հետ միասին: Միջազգային տիեզերակայան ուղեւորվեցին Ռուս տիեզերագնաց Օլեգ Սկրիպոչկան եւ ամերիկացի տիեզերագնաց Ջեսիկա Մեյրը, ինչպես նաեւ Արաբական Միացյալ Էմիրությունների (ԱՄԷ) առաջին տիեզերագնաց Հազաա ալ-Մանսուրին:
