WikiLeaks հարթակի հիմնադիր Ջուլիան Ասանժն ուղիղ երկու տարի է, ինչ գտնվում է բրիտանական բանտում, որտեղ սպասում է դեպի ԱՄՆ հնարավոր արձահանձնման որոշմանը, հիշեցրել է «Լրագրողներ առանց սահմանների» իրավապաշտպան կազմակերպությունը, հաղորդում է DW-ը:
«Մենք դեռեւս պահանջում ենք անհապաղ ազատ արձակել Ասանժին բանտից»,- կիրակի՝ ապրիլի 11-ին հայտարարել էն իրավապաշտպանները:
Կազմակերպությունը հիշեցրել է, որ 49-ամյա ավստրալացին 731 օր շարունակ գտնվել է ամբողջովին մեկուսացված, քանի որ հրապարակել է տեղեկատվությունը, որը բացահայտում է Իրաքում եւ Աֆղանստանում ԱՄՆ-ի գործողության մանրամասները: «Բելմարշի առանձնակի վտանգավոր հանցագործների համար բանտում Ասանժի կալանքի մասին դատավորի որոշումը անմարդկային է: Ասանժի հոգեկան խնդիրները, որոնց միջոցով դատավորը հիմնավորել է արտահանձնման մերժումը, խորանում են տեւական բանտարկման ընթացքում: Իսկ նրա ֆիզիկական առողջությունը վտանգված է Բելմարշում COVID-19-ով վարակվելու դեպքերի պատճառով»,-հայտարարել է կազմակերպության Բեռլինի մասնաճյուղի ղեկավար Քրիստիան Միրը:
«Լրագրողներ առանց սահմանների» կազմակերպության ներկայացուցիչները քննադատել են փաստը, որ Ասանժի դատավարությունն ընթանում է փակ ռեժիմում: «Չափազանց խնդրահարույց է, որ ընթացիկ դատավարության մեջ այժմ բացակայում են հրապարակային նիստերը, իսկ որոշումները կայացվում են փակ դռների հետեւում»,-ասված է հայտարարության մեջ: Ընդ որում՝ որոշումը՝ կարտահանձվի՞ արդյոք Ասանժն ԱՄՆ-ին, կարող է տեւել եւս մի քանի տարի, նախազգուշացնում են իրավապաշտպաններն ու մատնանշում, որ Մեծ Բրիտանիայում երկու հնարավոր ատյան անցնելուց հետո Ասանժի գործը կարող է հայտնվել Մարդու իրավունքների եվրոպական դատարանում»:
Հունվարի սկզբում Լոնդոնի դատարանը հրաժարվել էր արտահանձնել Ասանժին Միացյալ Նահանգներին՝ հղում անելով նրա «հոգեկան վիճակին»: Արտահանման դեպքում նրա կողմից ինքնասպանություն գործելու ռիսկը մի քանի անգամ կբարձրանար, քանի որ մեկուսացումը, որում WikiLeaks-ի հիմնադիրը կարող էր հայտնվել ԱՄՆ-ում, կցուցաբերեր նրա վրա «ճնշող» ազդեցություն, հայտարարել է դատարանը: Միացյալ Նահանգները մտադիր են բողոքարկել այդ որոշումը: ԱՄՆ արդարադատության նախարարությունում ընդգծում են, որ շարունակում են պայքարել նրան արտահանձնելու ուղղությամբ:
Երկու օր անց Լոնդոնի դատարանը մերժել է նաեւ տնային կալանքի կամ Ասանժին գրավի դիմաց ազատելու միջնորդությունը:
