Իրանի հատուկ ծառայությունները պարզել են Նաթանզում միջուկային օբյեկտում դիվերսիային ներգրավված անձի ինքնությունը, հաղորդում է Nour News-ը:
«Նաթանզում միջուկային օբյեկտում էլեկտրացանցի աշխատանքը խախտած անձի ինքնությունը պարզվել է»,-պորտալը փոխանցում է աղբյուրի խոսքը, որը նշել է, որ այժմ մեղավորի որոնման միջոցառումներ են անցկացվում:
Երկրի ատոմային էներգիայի կազմակերպության ղեկավար եւ փոխնախագահ Ալի Աքբար Սալեհին հայտարարել է, որ միջադեպը հարձակում եւ «միջուկային ահաբեկչության» դրսեւորում է համարվում:
Իսրայելական Kan հեռուստառադիոընկերությունը՝ հղում անելով հետախուզության աղբյուրներին, հայտնել է, որ միջադեպի հետեւում, իբր, կանգնած է Իսրայելը: Կիբեռհարձակմանը, ինչպես պնդում է Kan-ը, ներգրավված է «Մոսսադ»-ը: Ավելի ուշ Իսրայելի ներգրավվածության մասին հայտնել է ամերիկյան աղբյուրը NYT թերթին: Իրանի պաշտոնյաները եւս հայտնել են Իսրայելի ներգրավվածության մասին՝ խոստանալով վրեժ լուծել:
