Բելառուսի տեղեկատվության նախարարությունը որոշում է կայացրել դադարեցնել Euronews հեռուստաալիքի հեռարձակումը երկրում, հայտնում է գերատեսչության պաշտոնական կայքը:
Նշվում է, որ հեռուստաալիքը փակվել է հանրապետության տարածքում տարածման թույլտվության ժամկետի լրացումից հետո:
Ընդ որում, տեղեկատվության նախարարությունը հայտնել է, որ Բելառուսում երկուշաբթիից՝ ապրիլի 12-ից, կսկսվի Հայրենական մեծ պատերազմի մասին ռուսական արտադրության «Պոբեդա» հաղորդման հեռարձակումը: Նախարարությունը նշել է, որ «ռազմահայրենասիրական կողմնորոշման նոր ծրագիրը կարող է արժանի արձագանք գտնել հանդիսատեսի եւ, առաջին հերթին, Հայրենական մեծ պատերազմի վետերանների սրտերում եւ հոգիներում:
Բելառուսական «Բելտելկոմ» ընկերությունը, որը ինտերնետային ծառայություններ եւ հեռուստատեսության խոշորագույն մատակարարն է Բելառուսում, հաստատել է Euronews հեռուստաալիքի հեռարձակման դադարեցումը: