Ռազմագերիների եւ անհետ կորած զինծառայողների ծնողներն այսօր՝ ապրիլի 12-ին, հավաքվել են Կառավարության շենքի դիմաց: Նրնք պահանջում են հանդիպում անձամբ վարչապետ Նիկոլ Փաշինյանի հետ:
Կառավարության ներկայացուցիչն իջել է, զրուցում է նրանց հետ, ցանկանում է հասկանալ նրանց պահանջները: Այս պահին դեռեւս հայտնի չէ՝ հանդիպում կլինի վարչապետի հետ, թե ոչ:
Նշենք, որ անհետ կորածների հարազատների մի մասը կողմ էր, որ բողոքի ակցիան լուսաբանվի, մի մասն էլ՝ դեմ։ Վերջինները վրդովված պահանջում էին, որ բոլոր տեսախցիկներն անջատվեն։ Դրա հետ կապված երկու կողմերի միջև վիճաբանություն տեղի ունեցավ, նաև միջադեպ՝ լրագրողների հետ, ինչի հետևանքով վնասվեց NEWS.am-ի նկարահանող խմբի տեխնիկան՝ շտատիվը։