Երեւանում այսօր՝ ապրիլի 12-ին, բացվել է տիեզերագնացության օրվան եւ տիեզերք մարդու առաջին թռիչքի 60-ամյակին նվիրված ֆոտոցուցահանդես:
Տոնական միջոցառմանը մասնակցել են ՀՀ-ում ՌԴ արտակարգ եւ լիազոր դեսպան Սերգեյ Կոպիրկինը, ՀՀ ԳԱԱ նախագահ Ռադիկ Մարտիրոսյանը, Վիկտոր Համբարձումյանի անվան Բյուրականի աստղաֆիզիկական աստղադիտարանի տնօրեն Արեգ Միքայելյանը, «Տիեզերագնացություն եւ ավիացիայի» կենտրոնի նախագահ Ֆյոդոր Յուրչիխինը, ՀՀ-ում Ղազախստանի դեսպան Բոլաթ Իմանբաեւը եւ Թուրքմենստանի դեսպան Մուհամետգելդի Այազովը:
Ընդհանուր առմամբ ներկայացվել է 64 լուսանկար: Երկու ֆոտոցուցահանդես է բացվել՝ «Առաջինը տիեզերքում» եւ «Մեր Գագարինը»:
Աշխատանքների թվում են այս տարի տիեզերքից արված լուսանկարները: Լուսանկարների թվում են նաեւ գիշերային եւ ցերեկային Երեւանը, Սեւանա լիճը, ինչպես նաեւ լուսանկարներ Բյուրականի աստղադիտարանից:
Շատ լուսանկարներ վկայում են տիեզերք մարդու առաջին թռիչքի գործում Խորհրդային Հայաստանի դերի մասին: