Ռուսաստանը մնում է կառավարվող թռիչքների տիեզերական հետազոտությունների ոլորտում առաջնորդներից մեկը: Այս մասին այսօր` ապրիլի 12-ին, Երեւանում «Տիեզերական հետազոտությունները եւ ժամանակակից տեխնոլոգիաները» խորագրով գիտագործնական գիտաժողովի ժամանակ ասաց Հայաստանում Ռուսաստանի արտակարգ եւ լիազոր դեսպան Սերգեյ Կոպիրկինը:
Նրա խոսքով՝ 2023 թվականին ծրագրված են նոր կառավարվող տիեզերանավի փորձարկումներ: «Այսօր մշակվոմ է նոր սերնդի տրանսպորտային համակարգ, «Վոստոչնի» տիեզերակայանում ենթակառուցվածք է ստեղծվում, ինչպես նաեւ ստեղծվում են ծանր եւ գերծանր դասերի հրթիռային համալիրներ»,-հայտնեց դեսպանը:
Հիշեցնենք, որ 1961 թվականի ապրիլի 12-ին խորհրդային տիեզերագնաց Յուրի Գագարինը «Վոստոկ-1» տիեզերանավով թռիչք է կատարել «Բայկոնուր» տիեզերական թռիչքների կայանից եւ առաջին անգամ աշխարհում կատարել է ուղեծրային թռիչք ամբողջ Երկիր մոլորակի շուրջը։ Տիեզերական շուրջերկրյա ճանապարհորդային տարածությունը տեւել է 108 րոպե:
