News
Լրահոս
News
Հինգշաբթի
Հոկտեմբեր 28
Տեսնել լրահոսը

Հայկական բնապահպանական ճակատ կամվորական նախաձեռնությունը չորս հարց էր ուղարկել բնապահպանության նախարար Ռոմանոս Պետրոսյանին Ամուլսարի խնդրի առնչությամբ։ Այս մասին NEWS.am-ը տեղեկանում է ՀԲՃ-ից:

Ներկայացնում ենք մեր ուղղած հարցերը, ստացված պատասխաններն ու ՀԲՃ-ի մեկնաբանությունները․

1. Արդյո՞ք դուք ամբողջապես ուսումնասիրել եք «ԷԼԱՐԴ»-«ԹիԱրՍի» ընկերությունների 295 էջանոց հաշվետվությունը և ՀՀ քննչական կոմիտեի կայքում տեղադրված մյուս գրագրությունները Լիդիանի, «ԷԼԱՐԴ»-«ԹիԱրՍի» խմբի և քննչական կոմիտեի միջև։ Եթե այո, ապա ի՞նչ կարծիք ունեք դրանց մասին որպես նախարար և երկրաբան։

Պատասխան - Նախարարն ի պաշտոնե և մասնագիտությամբ որպես երկրաբան փուլ առ փուլ ուսումնասիրում է «ԷԼԱՐԴ»-«ԹիԱրՍի» ընկերությունների հաշվետվությունները, ինչպես նաև Քննչական կոմիտեում առկա Լիդիանի, «ԷԼԱՐԴ»-«ԹիԱրՍի» խմբի և քննչական խմբի գրագրությունները և պարբերաբար իր հրապարակային ելույթներում անդրադառնում դրանց՝ ներկայացնելով նախարարության դիրքորոշումը։

Մեկնաբանություն - Պատասխանից հասկանալի է դառնում, որ «ԷԼԱՐԴ»-«ԹիԱրՍի» խմբի և այլ փաստաթղթերը դեռևս ամբողջովին ուսումնասիրված չեն և կարծիք չկա դեռ դրանց մասին։ Հրապարակային ելույթներում էական, մասնագիտական որևէ բան չի ասվել դրանց մասին և դրանց հղում տալը՝ մեղմ ասած, այնքան էլ կոռեկտ չէ։

2. Արդյո՞ք դուք ծանոթ եք այն փաստաթղթերին, որոնք ՀՀ քննչական կոմիտեն երկու տարի է հրաժարվում է տրամադրել մեզ։ Եթե ծանո՞թ եք, ապա պատրա՞ստ եք մեզ նույնպես տրամադրել այդ փաստաթղթերը։ Այդ փաստաթղթերի ցանկին և դրանք մեզ չտրամադրելու փաստերին կարող եք ծանոթանալ այստեղ։

Պատասխան - Այս կարևոր հարցը մնացել է առանց պատասխան՝ ինչը սպասելի էր։

3. Արդյո՞ք դուք ամբողջապես ուսումնասիրել եք դեռ 2017 թ-ին հրապարակված չորս միջազգային հանրահայտ փորձագետ-գիտնականների (Ավստրալիայից, ԱՄՆ-ից և Կանադայից) մեկ տասնյակից ավել հաշվետվությունները։ Եթե այո, ապա ի՞նչ կարծիք ունեք դրանց մասին որպես նախարար և երկրաբան։

Պատասխան - Այս հարցը նույնպես մնացել է անպատասխան։ Ենթադրվում է, որ մեր նշած հաշվետվությունները չեն ուսումնասիրվել։

4. Պատրաստ եք արդյո՞ք լուրջ անկախ մասնագիտական քննարկում նախաձեռնել վերոնշյալ հաշվետվությունների և այլ ուսումնասիրությունների բովանդակային վերլուծություն անելու համար, որը կլինի բաց ու հասանելի հանրության համար (ուղիղ տեսահեռարձակում կամ ամբողջական տեսանկարահանում՝ հետագայում հրապարակելու համար)։

Պատասխան - Նախարարին կից հասարակական խորհրդի նիստի ժամանակ առաջարկվել է վերոնշյալ հաշվետվությունների և այլ ուսումնասիրությունների բովանդակային վերլուծության նպատակով նախաձեռնել անկախ մասնագիտական բաց քննարկում զանգվածային լրատվության միջոցների մասնակցությամբ։ «ԷԼԱՐԴ»-«ԹիԱրՍի» ընկերությունների հաշվետվությունների ամբողջական ուսումնասիրությունից հետո, ըստ անհրաժեշտության, նախարարության լիազորությունների շրջանակում կանցկացվի մասնագիտական քննարկում, այնուհետև՝ արդյունքների վերաբերյալ շահագրգիռ հասրակական կազմակերպությունների հետ կիրականացվի բաց քննարկում։

Մեկնաբանություն - Պատասխանից պարզ է դառնում, որ 2017-2018թթ կարևորագույն հետազոտություններն անտեսելու, դրանք քննարկման առարկա չդարձնելու միտում կա և խոսվում է միայն «ԷԼԱՐԴ»-«ԹիԱրՍի» ընկերությունների հաշվետվությունների շուրջ քննարկումներ կազմակերպելու մասին՝ այն էլ միայն ինչ-որ շահագրգիռ հասարակական կազմակերպությունների հետ։ Մեր կարծիքով պետք է վերլուծվեն և քննարկվեն մինչ այժմ արված բոլոր գիտական և մասնագիտական ուսումնասիրությունները, և ոչ միայն ՀԿ-երի, այլ նաև Ջերմուկ համայնքի իրազեկ բնակիչների, անաչառ մասնագետների, գիտնականների ու փորձագետների հետ։

Հ․Գ․ Իսկ անպատասխան մնացած հարցերը ստիպված ենք նորից ուղղել նախարարին՝ ակնկալելով, որ այս անգամ կլինեն նաև դրանց պատասխանները։

Տպել
Կարդացեք նաև
Ամբողջը
Դատարանը հօգուտ «Լիդիան Արմենիայի» վճիռ է կայացրել
Վերաքննիչ վարչական դատարանը վարչական դատարանի նախկինում կայացրած վճիռը թողել է անփոփոխ...
Քոչարյանը՝ Ամուլսարի խնդրի մասին. ձգողականությունը ենթակա չէ կառավարության որոշմանը
Ավանդույթները հաշվի չառնել չի կարելի...
Եթե բնապահպանական հարցեր կան, դա պետք է պետությունը աներ, ոչ թե մի խումբ քաղաքացիներ. Քոչարյանը՝ Ամուլսարի մասին
Ավելի մեծ հարված ներդրումային քաղաքականությանը, դժվար է հորինել…
Նախարարությունը կրկին մերժել է Լիդիանի ջրօգտագործման հայտը․ ՀԲՃ
Շրջակա միջավայրի նախարարությունից 2021թ-ի մարտի 24-ին Հայկական բնապահպանական ճակատ կամավորական նախաձեռնությանը (ՀԲՃ) նամակով...
Այս պահի դրությամբ Ամուլսարի շահագործման վերաբերյալ որևէ որոշում ֆիքսված չէ. Ռոմանոս Պետրոսյան
Ես հենվելու եմ քրեական գործի վարույթով բացված հնարավոր ապօրինությունների, առերևույթ խախտումների վրա, որոնցով էլ կպայմանավորեմ իմ հետագա...
Ամուլսարը սար է մնալու. հորդորում ենք որոշում կայացնողներին զերծ մնալ նոր արկածախնդրությունների գնալուց.Հայտարարություն
Ջերմուկի բնակիչ՝ Ամուլսարի պահապանների հայտարարությունը…
Ամենաշատ