News
Լրահոս
News
Շաբաթ
Հունվար 29
USD
482.57
EUR
540.24
RUB
6.13
Տեսնել լրահոսը

Իրանի նախագահ Հասան Ռոհանին կոչ է արել զարգացնել ռազմական ու պաշտպանական համագործակցությունը Ռուսաստանի հետ, հաղորդում է Tasnim-ը:

Ռուսաստանի արտգործնախարար Սերգեյ Լավրովի հետ Թեհրանում կայացած հանդիպման ժամանակ Ռոհանին ընդգծել է Իրանի եւ Ռուսաստանի միջեւ ռազմական եւ պաշտպանական համագործակցության ընդլայնման անհրաժեշտությունը՝ հաշվի առնելով 2020թ. հոկտեմբերին Իրանին զենքի մատակարարման ՄԱԿ-ի արգելքի վերացումը:

Նա նաեւ ընդգծել է տարածաշրջանում խաղաղության եւ կայունության պահպանման անհրաժեշտությունը` նշելով, որ տարածաշրջանի անվտանգությունը պետք է ապահովեն հենց տարածաշրջանի պետությունները: Ընդգծելով խաղաղությունն ու կայունությունն ապահովելու նպատակով տարածաշրջանային համագործակցությունն ակտիվացնելու Իրանի պատրաստակամությունը՝ Իրանի նախագահը սա համարել է ռազմավարական քայլ՝ Միացյալ Նահանգների միակողմանի մոտեցման եւ տարածաշրջանային գործերին միջամտելու դեմ:

Նա նաեւ կոչ է արել ջանքեր գործադրել Թեհրանի եւ Մոսկվայի տնտեսական ու առեւտրային կապերն ընդլայնելու համար՝ ասելով, որ երկկողմ հարաբերությունները պետք է զարգանան առանց արտաքին ճնշումների:

Իր հերթին Լավրովը նշել է, որ Իրանի հետ համագործակցության զարգացման սահմանափակումներ չկան, այդ թվում՝ պաշտպանական եւ տեխնիկական: Նրա խոսքով, Ռուսաստանը եւ Իրանը ընդհանուր նպատակներ ունեն տարածաշրջանային եւ միջազգային համագործակցությունում: Ռուս դիվանագետը, մատնանշելով Վիեննայի ՀՀԳՊ-ի վերաբերյալ հանդիպումների վերջին փուլը եւ միջուկային գործարքին վերադառնալու ԱՄՆ պատրաստակամությունը, ասել է, թե Մոսկվան կարծում է, որ միակ ելքը կլինի Վաշինգտոնի անվերապահ վերադարձը պայմանագրին՝ ՄԱԿ Անվտանգության խորհրդի 2231 բանաձեւի կատարման միջոցով:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Նաֆթալի Բենեթ. Իսրայելը կշարունակի իր ռազմավարությունը Իրանի հարցով, եթե նույնիսկ գործարք կնքվի
«Գործարքը, որը տասնյակ միլիարդավոր դոլարներ է ուղարկում այս փտած եւ թույլ ռեժիմին, սխալ կլինի․․․
Մեծ Բրիտանիայի արտգործնախարար. Իրանի հետ բանակցությունները վտանգավոր փակուղու են մոտենում
Այս բանակցությունները հրատապ են, եւ առաջընթացը բավականաչափ արագ չի եղել․․․
Իրանի ԱԳՆ-ն չի բացառում ԱՄՆ-ի հետ բանտարկյալների փոխանակման շուրջ համաձայնության գալը
«Սակայն այդ հարցը միջուկային գործարքից առանձին պետք է քննարկվի...
Իրանում հայտարարել են, որ Հարավային Կորեան ապասառեցրել է Թեհրանի ակտիվների միայն մի փոքր մասը
«Ցավոք, Հարավային Կորեայի պարտքն Իրանին դեռ վճարված չէ...
Վիեննայում Իրանի հետ միջուկային բանակցություններն ընթանում են ճիշտ հունով. ԵՄ-ում աղբյուր
Անհավանական սխալ կլինի, եթե ժամկետների պատճառով մենք չստանանք լավ որոշում...
ԱՄՆ պետքարտուղարը հայտարարել է, որ Լավրովի հետ քննարկել է Իրանի միջուկային գործարքը
Բլինքենը լրագրողներին ասել է, որ գործարքը օրինակ է այն բանի, թե ինչպես․․․
Ամենաշատ