Բաքվում Լեռնային Ղարաբաղի ցեղասպան զավթմանը նվիրված «ավարի այգու» բացումը գարշելի է, գրում է International Christian Concern-ի Մերձավոր Արեւելքի հարցերով տարածաշրջանային մենեջեր Քլեր Էվանսը:
«Ուղիղ ասենք՝ դա ռազմական թանգարան չէ: Մի բան է հարգանքով փաստագրել պատերազմի սարսափը, այլ բան է ռազմական հաղթանակն ապացուցող ավարի այգի բացել եւ այդպիսով նվաստացնել պարտվող կողմին: Դիրքորոշումը, որը զբաղեցնում է Ադրբեջանը հայկական կողմի նկատմամբ, խրախուսվում է Թուրքիայի կողմից: Դա բռնության եւ ցեղասպանության դիրքորոշում է: Միջազգային հանրությունը չպետք է լռի»,-գրում է Էվանսը: