Ուկրաինայի տարածքում դեէսկալացիան հնարավոր է միայն Ուկրաինայի ԶՈւ-ի՝ սադրանքներից հրաժարվելու դեպքում: Այս մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը, փոխանցում է ՏԱՍՍ-ը:
Ըստ նրա՝ ՌԴ-ն ցանկացած մեկի, այդ թվում՝ ԱՄՆ-ի կողմից Ռուսաստանում մեր զինված ուժերի տեղաշարժի հետ կապված բոլոր մտահոգություններն անհիմն է համարում: «Ուկրաինայի տարածքում դեէսկալացիան կարող է առաջանալ միայն Ուկրաինայի զինված ուժերի կողմից սադրիչ գործողություններից հրաժարվելու արդյունքում»,- ասել է նա՝ պատասխանելով հարցին՝ արդյո՞ք Ռուսաստանի եւ ԱՄՆ-ի նախագահները փոխըմբռնման են եկել այս հարցի վերաբերյալ հեռախոսային խոսակցության արդյունքում: