Դուք ասում եք՝ հայանպաստ լուծում, 5+2 կամ 7+X սցենարով հողերի վերադարձը առանց կարգավիճակի ճշգրտման դուք դա համարում եք հայանպա՞ստ լուծում: Այս մասին ԱԺ-ում կառավարության ծրագրի 2020 թվականի կատարման ընթացքի եւ արդյունքների մասին զեկույցը ներկայացնելիս նշեց ՀՀ վարչապետ Նիկոլ Փաշինյանը՝ անդրադառնալով ԼՀՅԿ խմբակցության պատգամավոր Աննա Կոստանյանի դիտարկմանը, որ վարչապետն իր ձեռքի տակ ունեցել է ահռելի քանակի ինֆորմացիա, ինչու չի կարողացել հայանպաստ որոշումներ կայացնել, չտանել պատերազմի, որը չի արել:
«Ես այդպես չեմ համարել, եւ որոշել եմ, որ պետք է պայքարել հայանպաստ լուծման վիճակ ստանալու: Ես համարել եմ, որ եթե Արցախը բանակցային գործընթացին չի մասնակցում, դա երաշխիք է, որ մենք հարցի բովանդակությունը տեղափոխեռլ ենք ուրիշ բնաձեւի ներքո: Ինչպես չենք կարողացել 20 տարի Զինված ուժերում չարածը անել 2 տարում, այնպես էլ չենք կարողացել բանակցային գործընթացում չարածը անել երկու տարում: Այո, չենք արել եւ դա մեր ձախողումն է, դրա համար ես ստանձնում եմ անձնական պատասխանատվություն: Խորհրդարանական առաջիկա ընտրություններում անձամբ կկրեմ այդ պատասխանատվությունը եւ ժողովրդի կայացրած որոշմանն էլ կհնզանդվենք խոնարհ»: