Գոյություն ունի 2016-ի ապրիլյան էսկալացիայի հանգամանքներն ուսումնասիրող հանձնաժողովի եզրակացություն, որը չի հրապարակվել, քանի որ կան պետական գաղտնիք պարունակող հսկայական քանակությամբ նյութեր: Այս մասին ապրիլի 14-ին Ազգային ժողովի նիստում կառավարության 2020 թվականի գործունեության հաշվետվության ներկայացման ժամանակ ասաց վարչապետ Նիկոլ Փաշինյանը՝ պատասխանելով պատգամավորների հարցերին:
Նրա խոսքով՝ փորձաքննությունը ցույց է տվել, որ զեկույցի մոտ 90%-ը պետական գաղտնիք է եւ հրապարակման ենթակա չէ:
«Հանձնաժողովի աշխատանքներն իրականացվել են հետագա բարեփոխումների իրականացման ընթացքում ստացված տեղեկատվությունը հաշվի առնելու համար»,- պարզաբանեց կառավարության ղեկավարը: