ԵԱՀԿ Մինսկի խումբն իր վերջին հայտարարությամբ, ըստ էության, Ադրբեջանին կոչ արեց հրաժարվել իր ապակառուցողական քաղաքականությունից: Այս մասին ԱԺ նիստում ասաց ՀՀ ԱԳՆ ղեկավար Արա Այվազյանը:
Նրա խոսքով՝ Մինսկի խմբի համանախագահները կրկին հիշեցրել են Ադրբեջանին 2020 թվականի նոյեմբերի 9-ի եռակողմ հայտարարության բոլոր կետերի կատարման անհրաժեշտության մասին՝ ներառյալ ռազմագերիների վերադարձը, ինչպես նաեւ կոչ արել ադրբեջանական կողմին հրաժարվել ապակառուցողական քաղաքականությունից, որը խանգարում է երկու երկրների միջեւ երկխոսությանը:
Նախարարը նկատեց, որ Երեւանը երբեք չի հրաժարվել Բաքվի հետ երկխոսությունից եւ պատրաստ է գործադրել բոլոր ջանքերը ԼՂ հակամարտության հետագա կարգավորման համար:
