Հայկական ԱԷԿ-ի տեխնիկական վերազինումը կշարունակվի: Այս մասին ապրիլի 15-ին Ազգային ժողովի նիստին կառավարության գործունեության մասին հաշվետվության ներկայացման ժամանակ, պատասխանելով պատգամավորների հարցերին, ասաց ՀՀ տարածքային կառավարման եւ ենթակառուցվածքների նախարար Սուրեն Պապիկյանը:
Նրա խոսքով՝ 2021 թվականին արդեն ամբողջությամբ հաստատվել է Էներգետիկայի զարգացման ռազմավարական ծրագիրը մինչեւ 2040 թվականը: «Այս ծրագիրը նաեւ հայկական ատոմակայանի շահագործման ժամկետի երկարացում է նախատեսում 2026 թվականից հետո»,- ասաց նախարարը: