Պաշտոնական այցով Վրաստանում գտնվող նախագահ Արմեն Սարգսյանն այսօր՝ ապրիլի 16-ին, հանդիպում է Վրաստանի խորհրդարանի նախագահ Արչիլ Թալակվաձեի հետ։
NEWS.am-ի թղթակիցը Թբիլիսիից հաղորդում է, որ նախագահը ժամանել է Վրաստանի խորհրդարան, որտեղ տեղի է ունեցել նրա դիմավորման պաշտոնական արարողությունը պատվո պահակախմբով։
Նշենք, որ այսօր ավելի վաղ Արմեն Սարգսյանն այցելել է «Հերոսների» հրապարակ, ապա տիկնոջ հետ հանդիպել է Համայն Վրաստանի Կաթողիկոս-Պատրիարք Իլյա Երկրորդին։
Հիշեցնենք, որ Վրաստանի նախագահ Սալոմե Զուրաբիշվիլիի հրավերով Վրաստանում գտնվող՝ Հայաստանի Հանրապետության նախագահ Արմեն Սարգսյանը նախօրեին հանդիպել էր Վրաստանի նախագահի հետ: