Մինեապոլիսի մերձակայքում ոստիկանությունը կիրառել է արցունքաբեր գազ ԶԼՄ-ների ներկայացուցիչների դեմ, որոնք լուսաբանում էին ոստիկանի կողմից աֆրոամերիկացի Դոնթի Ռայթի սպանության դեմ բողոքի ակցիան, գրում է DW-ի ռուսական ծառայությունը:
Պարբերականի տվյալներով՝ մի շարք լրագրողներ բողոքել են ապրիլի 17-ին կայացած ցույցերը լուսաբանելու ժամանակ ոստիկանության կողմից խոչընդոտներ ստեղծելու մասին: Նրանք, մասնավորապես, հայտարարել են, որ Մինեապոլիսի մերձակայքում բողոքի ակցիաներից մեկի ընթացքում ոստիկանությունը կիրառել է արցունքաբեր գազ ընդդեմ ԶԼՄ-ների աշխատակիցների՝ չնայած նրանք հեշտությամբ տարբերվում էին՝ որպես լրագրողներ:
«Թղթակիցներին նաեւ արգելել են գտնվել տարածքում, որտեղ ոստիկանությունը պահում էր բերման ենթարկված ցուցարարներին: Նրանք ստիպված էին լուսանկարվել եւ հանձնել փաստաթղթերը»,-նշված է հրապարակման մեջ: