News
Լրահոս
News
Ուրբաթ
Հունիս 25
Տեսնել լրահոսը

Նիկոլ Փաշինյանն ու նրա տիկին Աննա Հակոբյանը ցավակցական խոսք են հղել Նյու Յորքի Կարնեգի հիմնադրամի նախագահ, «Ավրորա» մարդասիրական նախաձեռնության համահիմնադիր Վարդան Գրեգորյանի մահվան կապակցությամբ։

NEWS.am-ը ներկայացնում է  ցավակցականը.

«Իմ եւ կնոջս՝ Աննա Հակոբյանի անունից ցավակցում եմ անվանի մտավորական Վարդան Գրեգորյանի մահվան կապակցությամբ։ Սփոփանքի եւ վշտակցության խոսքեր ենք ուղղում նրա ընտանիքին, հարազատներին, բարեկամներին եւ գործընկերներին։

Վարդան Գրեգորյանը հայկական սփյուռքի վերջին տասնամյակների ամենավառ եւ ճանաչված ներկայացուցիչներից մեկն էր։ Դասավանդելով ամերիկյան մի շարք համալսարաններում՝ Վարդան Գրեգորյանն այնուհետեւ դարձել է համաշխարհային համբավ ունեցող Նյու Յորքի հանրային գրադարանի նախագահը, Բրաունի համալսարանի նախագահը եւ իր աշխատանքային գործունեությունն ավարտել ԱՄՆ հռչակավոր Քարնեգի կորպորացիայի նախագահի պաշտոնում։ Նա իր ողջ կյանքը դրել է ի սպաս Միացյալ Նահանգներում կրթության եւ գիտության զարգացմանն ու ժողովուրդների եւ մշակույթների միջեւ ճանաչելիության ու փոխվստահության ամրապնդմանը, արժանացել է ԱՄՆ նախագահի «Ազատության» շքանշանին։

Վարդան Գրեգորյանը, լինելով մեծ հայրենասեր, մշտապես ներգրավված է եղել ամերիկահայ համայնքի կյանքում։ Պատահական չէ, որ սերելով Իրանի Թաբրիզ քաղաքի հայկական ընտանիքներից եւ ուսանելով Բեյրութի հայկական կրթօջախներում, նա երիտասարդ տարիներից ի վեր հոգեւոր ամուր թելերով կապված է եղել իր ժողովրդի հետ եւ ապրել նրա կյանքով։ Իսկական հայ մտավորականի եւ հումանիստի խառնվածքն էր պատճառը, որ իր կյանքի վերջին տարիներին նա դարձավ «Ավրորա» նախաձեռնության համահիմնադիրներից մեկը։

Հայաստանում եւ Սփյուռքում ապրող շատ հայերի համար Վարդան Գրեգորյանը յուրատեսակ փարոս եւ ընդօրինակման կերպար էր։ Նրա բացակայությունը մեծ կորուստ է լինելու մեր ժողովրդի համար։

Ես եւ Աննան ջերմորեն ու մեծ տպավորություններով ենք հիշում պարոն Գրեգորյանի՝ բացառիկ մարդու հետ հանդիպումները»։

!
Այս նյութը հասանելի է նաև   English
Տպել
Կարդացեք նաև
Ամբողջը
Մահացել է Նիկարագուայի նախկին նախագահ Էնրիկե Բոլանոս Գեյերը
Ընտանիքի հայտարարության մեջ ասվում է, որ Բոլանոսը մահացել է երկուշաբթի ուշ երեկոյան: Պատճառը չի հրապարակվում...
Ինչպե՞ս է անցնում Ջո Բայդենի օրը
79-ամյա Բայդենն ԱՄՆ ամենատարեց նախագահն է եւ սկսում է իր օրն անձնական մարզչի հետ ուժային մարզումներից...
Համացանցում հայտնվել է կորած արքայադուստր Լատիֆայի լուսանկարը
Եթե լուսանկարում պատկերված կնոջ ինքնությունը հաստատվի, դա կլինի արաբ արքայադստեր առաջին լուսանկարը հասարակության մեջ վերջին երեք տարվա ընթացքում...
Շառլ Ազնավուրի 97-րդ տարեդարձի կապակցությամբ Փարիզի Օդեոնի հրապարակում բացվեց մեծ շանսոնյեի կիսանդրին (ֆոտո)
Միջոցառմանը ներկա էին Փարիզի քաղաքապետ Անն Հիդալգոն, Ֆրանսիայում ՀՀ դեսպան Հասմիկ Տոլմաջյանը, Ազնավուրի որդին՝ Նիկոլա…
Բիլ Գեյթսը բաժանվում է կնոջից
Նրանք պարզաբանել են, որ շարունակելու են համատեղ աշխատել իրենց ստեղծած բարեգործական հիմնադրամի շրջանակներում...
«Իշխանություն» ֆիլմի պրեմիերային ես պատահական չէի հայտնվել Սերժ Սարգսյանի կողքին. Ֆիլմի ռեժիսոր
Նկարահանելու ենք մեր զրույցը: Ես լրագրող չեմ, մեր զրույցը էդ տեսանկյունից կլինի ոչ պրոֆեսիոնալ, բայց անկեղծ...
Ամենաշատ