Հարյուրավոր ոստիկաններ այս պահին Երևանից ուղևորվում են Սյունիք։ NEWS.am-ի թղթակիցը Երասխում նկարահանել է ոստիկաններով լի ավտոբուսները։
Ավելի վաղ NEWS.am-ի հետ զրույցում Սյունիքի նախկին մարզպետ Վահե Հակոբյանն ասել էր, որ իր տեղեկություններով Փաշինյանը հրահանգել է, որ իրեն և իր կնոջը, ինչպես նաև Սյունիքի խոշորացված համայնքների ղեկավարներին ձերբակալել։ Սյունիքի մարզպետարանում ոստիկանապետ Վահե Ղազարյանին Արմեն Աբազյանին հրահանգել էր «կտրուկ և հատուկ գործողություններով պատասխանավտվության կանչել «Մեղրիի միջադեպի մեղավորներին»։ Նրան այդ խորհրդակցության ընթացքում զեկուցվել էր, որ ապրիլի 21-ին, տեղի ունեցած դեպքերի առնչությամբ հարուցվել է քրեական գործ՝ ՀՀ ՔՕ 258-րդ հոդվածի 3-րդ մասի 1-ին և 2-րդ կետերով (խուլիգանության), 316-րդ հոդվածի 1-ին մասի (իշխանության ներկայացուցչի նկատմամբ բռնություն գործադրելը) հատկանիշներով։
Հիշեցնենք, որ խիստ գաղտնի պայմաններում նախօրեին Սյունիքի մարզ մեկնած Նիկոլ Փաշինյանին այսօր մարզի տարբեր քաղաքներում բնակիչները դիմավորել են հայհոյանքներով եւ վիրավորանքերով։ Սյունեցիները նրանից պահանջել են հեռանալ մարզից։
Քաջարանցիները փակել էին քաղաք մտնող ճանապարհը, այդպիսով Փաշինյանն ընդհանրապես չկարողացավ Քաջարան մտնել։
Նշենք, որ Փաշինյանի հետ մարզ են գնացել մեծ թվով ոստիկաններ, ԱԱԾ-ի «Ալֆա» ջոկատը եւ անվտանգության մեծ թվով աշխատակիցներ։
NEWS.am-ը հայտնել էր, որ մեր տեղեկություններով ԱԱԾ–ում Փաշինյանի հրահանգով ցուցակ է կազմվում այն անձանց, որոնց պատրաստվում են ձերբակալել Սյունիքի դեպքերի առնչությամբ։