News
Լրահոս
News
Երեքշաբթի
Նոյեմբեր 30
Տեսնել լրահոսը

Ապրիլի 23-ին ՀՀ փոխվարչապետ Տիգրան Ավինյանն ընդունել է Հայաստանում ԱՄՆ դեսպան Լին Թրեյսիին:

Փոխվարչապետի գրասենյակից NEWS.am-ին հայտնում են, որ ողջունելով դեսպանին՝ փոխվարչապետը բարձր է գնահատել ԱՄՆ կառավարության ցուցաբերած ֆինանսական ու տեխնիկական աջակցությունը Հայաստանի տնտեսական զարգացմանն ու իրականացվող բարեփոխումներին: Տիգրան Ավինյանը հատկապես առանձնացրել է «USAID»-ի հետ միասին կատարվող աշխատանքը՝ այն որակելով որպես երկկողմ համագործակցության լավագույն փորձերից մեկը: Խոսքն ավելի քան 60 ծրագրի իրականացման մասին է՝ ծառայությունների մատուցման, թվայնացման և այլ ուղղություններով:

Երկկողմ համագործակցության օրակարգի շրջանակներում կողմերը կարևորել են Հայաստանում հանրային կառավարման բարեփոխումների ընթացքը: Փոխվարչապետն այս բարեփոխումը անվանել է անկյունաքարային՝ ընդգծելով, որ այն կապահովի պետական կառավարման համակարգի արդյունավետ գործունեությունն ու թափանցիկությունը: Այս համատեքստում անդրադարձ է կատարվել նաև պետական և համայնքային ծառայությունների թվայնացման ընթացիկ վիճակին ու արձանագրված արդյունքներին: Տիգրան Ավինյանը նշել է, որ աշխատանքները գտնվում են ակտիվ փուլում և մինչև տարեվերջ առարկայական արդյունքներ են ակնկալվում:

Ներկայացնելով կառավարության առաջնահերթությունները թվայնացման ոլորտում՝ փոխվարչապետն առանձնացրել է պետական և համայնքային ծառայությունների, պետական մարմինների ընթացիկ աշխատանքների, արդարադատության բնագավառի, կառավարության էլեկտրոնային գործիքների և տվյալների միասնական բազայի ստեղծման հարցերը:

Հանդիպման ժամանակ քննարկվել են նաև էներգետիկ անվտանգության ու վերականգնվող էներգիայի բնագավառներում համագործակցության հեռանկարները: Փոխվարչապետը ներկայացրել է Հայաստանի հետաքրքրությունը կլիմայի փոփոխության մարտահրավերին արձագանքելու և դրան դիմակայելու արդյունավետ մեխանիզմների մշակման հարցում: Անդրադարձ է կատարվել «պարտք՝ կլիմայի դիմաց» նորարարական ֆինանսական փոխանակման մեխանիզմի գործարկման հնարավորություններին:

Նկատի ունենալով Հայոց ցեղասպանության 106-րդ տարելիցը՝ փոխվարչապետը շեշտել է միջազգային հանրության կողմից Ցեղասպանության ճանաչման և դատապարտման անհրաժեշտությունը: Նա միաժամանակ ընդգծել է, որ ԱՄՆ-ի դիրքորոշումն այս հարցում էական նշանակություն ունի՝ հույս հայտնելով, որ նախագահ Ջո Բայդենը հստակորեն կարտահայտի իր՝ դեռևս նախընտրական փուլում բարձրաձայնած դիրքորոշումը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Կիբեռհանցագործություններին վերաբերող քննարկում Ծաղկաձորում
Գենդերային բռնության դեմ պայքարի 16-օրյա ակտիվության արշավի շրջանակներում տեղի ունեցող այս նախաձեռնությունը պաշտոնապես մեկնարկել է…
ԱՄՆ դեսպանության Ամերիկյան կենտրոնը ավելի քան 5000 հայկական գիրք է ուղարկել ԱՄՆ
Այդ ծրագրով Հայաստանում ԱՄՆ դեսպանության Ամերիկյան կենտրոնը ավելի քան 5000 հայկական գիրք է ուղարկել ԱՄՆ՝ հարստացնելով Կոնգրեսի գրադարանի...
Արմեն Գրիգորյանը ԱՄՆ դեսպանի հետ քննարկել է սահմանային իրավիճակը
«ԱԽ քարտուղարը նաև նշել է, որ Հայաստանը պատրաստ է սկսել սահմանագծման և սահմանազատման գործընթացը»…
Փաշինյանը ստացել է Բայդենից Դեմոկրատական համաժողովին մասնակցելու հրավեր եւ հաստատել է իր մասնակցությունը. ԱԽ քարտուղար
Հարցին, թե սա կարո՞ղ է որեւէ կերպ հայ-ադրբեջանական հարաբերությունների կարգավորման հարթակ հանդիսանալ, նա պատասխանեց...
«Քաղաքացիական պայմանագիր» խմբակցության ղեկավարը հանդիպել է ԱՄՆ դեսպանի հետ
Լին Թրեյսին նշել է, որ Միացյալ Նահանգները այսուհետ եւս սերտորեն կհամագործակցեն Հայաստանի իշխանությունների հետ տարբեր ոլորտներում․․․
Կոչ ենք անում վերադարձնել բոլոր գերիներին.ԱՄՆ պետդեպի հայտարարությունը՝ 44-օրյա պատերազմի ավարտի տարելիցի կապակցությամբ
Այս շաբաթ Միացյալ Նահանգները և միջազգային հանրությունը ճանաչում են հրադադարի հռչակման մեկամյա տարեդարձը, որը վերջ դրեց Հարավային Կովկասում հայկական և ադրբեջանական ուժերի միջև 44-օրյա ինտենսիվ մարտերին...