News
Լրահոս
News
Ուրբաթ
Դեկտեմբեր 03
Տեսնել լրահոսը

Ամբողջ քաղաքակիրթ աշխարհը, որն ունակ է պահպանելու պատմական հիշողությունն ու ճանաչելու անցյալի սխալները, ապրիլի 24-ին հիշատակում է Օսմանյան կայսրության վայրագությունը, որը կատարվել է 20-րդ դարի սկզբին հայկական բնակչության դեմ: Հայոց ցեղասպանությունը հանցանքի մասշտաբով համեմատելի է Երկրորդ համաշխարհային պատերազմի տարիներին հրեաների Հոլոքոստի հետ: Այս մասին ասվում է միջազգային հայ-ռուսական «Լազարյան ակումբի» խորհրդի հայտարարության մեջ՝ կապված Հայոց ցեղասպանության տարելիցի հետ:

Հայտարարության մեջ ասված է. «Ոչ մի  հնարք եւ պատմությունը խեղաթյուրելու փորձ չի կարող ջնջել Ցեղասպանության փաստը, որը ճանաչվել է Ռուսաստանի եւ աշխարհի շատ այլ երկրների կողմից: Օսմանյան կայսրության մեղքը մոռացության տալու գայթակռությունը հակասում է ժամանակակից Թուրքիայի շահերին:

Նշենք ամենակարեւորը. 106 տարի առաջ Օսմանյան կայսրության իշխանությունը նպատակաուղղված բնաջնջեղ հայկական էթնիկ խմբերին կայսրության տարածքից: Այդպիսով, Օսմանյան պետության քաղաքականությունը հայկական բնակչության դեմ անկասկած ընկած է Ցեղասպանություն եզրույթի հիմքում, որն ամրագրված է ՄԱԿ-ի 1984թ. «Ցեղասպանության հանցանքի կանխման եւ դրա պատժման մասին» կոնվենցիայի թիվ 2 հոդվածում:

Թուրքիայի միջազգային վարկանիշը վերադարձնելու միակ միջոցը այդ վայրագությունը ճանաչելն է: Այդպես կարելի է շրջել պատմության ողբերգալի էջն ու առաջ շարժվել՝ ուղի հարթելով Հայաստանի եւ Թուրքիայի ժողովուրդների միջեւ հաշտեցման համար: Դրա փոխարեն Թուրքիան շարունակում է Հայոց ցեղասպանությունը հերքելու արշավը, ինչը պահպանում է լարվածությունը տարածաշրջանում: 2020 թվականի Ղարաբաղյան պատերազմի ողբերգալի իրադարձությունները բացահայտ կերպով ցուցադրում են տրամադրությունները, որոնք տիրում են Անկարայի ղեկավարության գլխում. Թուրքիան Կովկասում բացահայտ աջակցում է Ադրբեջանի ցանկացած գործողության եւ հայտարարության:

Ռուսաստանը բազմազգ երկիր է, որը ստանձնել է խաղաղապահ առաքելությունը՝ ձգտելով պահպանել Կովկասում խաղաղությունն ու հավասարակշռությունը: Ռուսաստանի համար կարեւոր է ապավինել պատմական բազմադարյա փորձին:

«Լազարյան ակումբը», որը միավորում է հայ-ռուսական հարաբերությունների զարգացմանն աջակցող մարդկանց, խոնարհվում է Հայոց ցեղասպանության զոհերի հիշատակի առջեւ: Մենք ոչ ոքի թույլ չենք տա, որ մոռանա այդ մասին: Դա նշանակում է, որ մենք եղել ենք եւ մնում ենք զգոն՝ Հայաստանին եւ հայ ժողովրդին վնաս հասցնելու ցանկացած փորձի նկատմամբ»:   

!
Այս նյութը հասանելի է նաև   Русский
Տպել
Կարդացեք նաև
Ամբողջը
Հայոց ցեղասպանության թանգարան-ինստիտուտի գրադարանը համալրվել է Իսրայել Չարնիի անձնական գրադարանի գրքերով
2011 թ. Իսրայել Չարնին արժանացել էր Հայաստանի Հանրապետության Նախագահի մրցանակի «ի ճանաչումն տասնամյակների ակադեմիական աշխատանքի և ի նպաստ...
Ավստրալիայի կառավարության կողմից Հայոց ցեղասպանության ճանաչումը ժամանակի հարց է. Հայ դատի հանձնախումբ
Պատգամավոր Թրենթ Զիմերմանի առաջ քաշած բանաձևը հորդորում է Ավստրալիայի...
Ավստրալիայի խորհրդարանում կքննարկվի երկրի կողմից Հայոց ցեղասպանության ճանաչման հարցը
Եթե ելույթ ունեցողների մեծ մասը կողմ հանդես գա բանաձևին, ապա...
«Սինոփսիս»-ի նախագահ Չի-Ֆուն Չանը հարգանքի տուրք է մատուցել Ցեղասպանության նահատակների հիշատակին
Չի-Ֆուն Չանը Հայոց ցեղասպանության զոհերի հիշատակը հավերժացնող հուշակոթողի անմար կրակի մոտ մեկ րոպե…
Մեծ Բրիտանիայում առաջին քայլն արվեց Հայոց ցեղասպանության ճանաչման գործում. դեռ շատ անելիք կա. Սասունյան
Ահա ներկայացված թիվ 190 58/2 օրինագծի ամբողջական տեքստը՝ «Հայոց ցեղասպանության ճանաչման մասին օրինագիծը» վերնագրով...
Ուկրաինացի պատգամավորներն այցելել են Ծիծեռնակաբերդի հուշահամալիր
Երեւանում մեկնարկել են Ուկրաինայի հայերի միության միջոցառումները, որոնց մասնակցելու համար Հայաստան է ժամանել Ուկրաինայից ավելի քան 70 հյուր...
Ամենաշատ