News
Լրահոս
News
Ուրբաթ
Դեկտեմբեր 03
Տեսնել լրահոսը

Ֆրանսիայում ամենուր յուրաքանչյուրը յուրովի է հարգանքի տուրք մատուցում Հայոց ցեղասպանության զոհերի հիշատակին: Այս մասին Ծիծեռնակաբերդի հուշահամալիրում իր ելույթում նշեց Ֆրանսիայի արտաքին գործերի պետքարտուղար Ժան-Բատիստ Լըմուանը:

«Այսօր՝ ապրիլի 24-ին, հայերը հիշատակում են Հայոց ցեղասպանությունը։ Այս տարի նախագահ Մակրոնի անունից մեր պատվիրակությունը, բնականաբար, ներկա է զոհերի ոգեկոչման արարողությանը։ Այս տարի, մանավանդ, առանձնահատուկ նշանակությամբ է օժտված արարողությունը, որովհետև արդեն լրացրել է 20 տարի, երբ Ֆրանսիան օրենքի ուժով ճանաչեց Հայոց ցեղասպանությունը։

Բայց նախագահը չբավարարվեց դրանով՝ արդեն 3-րդ տարին անընդմեջ ապրիլի 24-ը Ֆրանսիայի պետական պաշտոնական օրացույցում նշված է, որպես հիշատակի օր: Ֆրանսիայում յուրաքանչյուր ոք յուրովի է իր հարգանքի տուրքը մատուցում Հայոց ցեղասպանության զոհերի հիշատակին»,- նշել է Լըմուանը:

Ֆրանսիայի ԱԳՆ պետքարտուղարը հավելեց, որ այս հիշատակման արարողությունը ֆրանսիական երախտիքի արտահայտումն է բոլոր այն մարդկանց, որոնք հաստատվեցին ու իրենց ներդրումն ունեցան ֆրանսիական պետության կյանքում։

«Ֆրանսիան միշտ եղել է Հայաստանի կողքին, թե՛ անցյալում դժվար պահերին, թե՛ ապագայում ակնկալվող բոլոր ձեռնարկումների համար։ Դրա վկայությունն է Ֆրանսիայի նախագահի դատապարտող խոսքը բոլոր այն վարձկանների վերաբերյալ, որոնք Սիրիայից հավաքագրվել և հայտնվել էին բոլորիս հայտնի իրադարձություններին, բժշկական հումանիտար առաքելությունը, որի կազմակերպումն ու Հայաստան ուղարկելը չհապաղեց»,- ասաց նա:

Ժան-Բատիստ Լըմուանը հիշատակեց նաև ԵԱՀԿ Մինսկի խմբի համանախագահող երկրների հայտարարությունը՝ ռազմագերիներին շուտափույթ վերադարձնելու վերաբերյալ:

«Ինչպես ասում էր Ազնավուրը` «Նրանք ընկան» երգի մեջ` նրանք ընկան, տանջվեցին, որոտը շանթահարեց, նրանց մեղքն այն էր, որ նրանք Հայաստանի զավակներն էին։ Այսօր հայ ժողովուրդը ոտքի վրա ամուր կանգնած է, դիմակայում է, ոչինչ չի կարողանալու խոչընդոտել հայ-ֆրանսիական դարավոր բարեկամությանը»,- եզրափակեց Ժան-Բատիստ Լըմուանը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Հայոց ցեղասպանության թանգարան-ինստիտուտի գրադարանը համալրվել է Իսրայել Չարնիի անձնական գրադարանի գրքերով
2011 թ. Իսրայել Չարնին արժանացել էր Հայաստանի Հանրապետության Նախագահի մրցանակի «ի ճանաչումն տասնամյակների ակադեմիական աշխատանքի և ի նպաստ...
Ավստրալիայի կառավարության կողմից Հայոց ցեղասպանության ճանաչումը ժամանակի հարց է. Հայ դատի հանձնախումբ
Պատգամավոր Թրենթ Զիմերմանի առաջ քաշած բանաձևը հորդորում է Ավստրալիայի...
Ավստրալիայի խորհրդարանում կքննարկվի երկրի կողմից Հայոց ցեղասպանության ճանաչման հարցը
Եթե ելույթ ունեցողների մեծ մասը կողմ հանդես գա բանաձևին, ապա...
«Սինոփսիս»-ի նախագահ Չի-Ֆուն Չանը հարգանքի տուրք է մատուցել Ցեղասպանության նահատակների հիշատակին
Չի-Ֆուն Չանը Հայոց ցեղասպանության զոհերի հիշատակը հավերժացնող հուշակոթողի անմար կրակի մոտ մեկ րոպե…
Մեծ Բրիտանիայում առաջին քայլն արվեց Հայոց ցեղասպանության ճանաչման գործում. դեռ շատ անելիք կա. Սասունյան
Ահա ներկայացված թիվ 190 58/2 օրինագծի ամբողջական տեքստը՝ «Հայոց ցեղասպանության ճանաչման մասին օրինագիծը» վերնագրով...
Ուկրաինացի պատգամավորներն այցելել են Ծիծեռնակաբերդի հուշահամալիր
Երեւանում մեկնարկել են Ուկրաինայի հայերի միության միջոցառումները, որոնց մասնակցելու համար Հայաստան է ժամանել Ուկրաինայից ավելի քան 70 հյուր...
Ամենաշատ