News
Լրահոս
News
Երեքշաբթի
Նոյեմբեր 30
Տեսնել լրահոսը


«Հայրենիք» կուսակցությունն իր առաջ ուներ խնդիրներ, որոնցից մի քանիսը կարողացավ լուծել։ Այս մասին այսօր՝ ապրիլի 24-ին՝ Հայոց ցեղասպանության 106-րդ տարելիցին, «Ծիծեռնակաբերդում» լրագրողների հետ զրույցում հայտարարեց «Հայրենիք» կուսակցության ղեկավար Արթուր Վանեցյանը:

«Լուծել չկարողացավ Նիկոլ Փաշինյանի  վարչապետությամբ արտահերթ ընտրություններ անցկացնելու հարցը։ Ի սկզբանե մեր առջև դրված էր խնդիր պարտադրել իշխանություններին հրաժարականի և արտահերթ խորհրդարանական ընտրությունների անցկացման, բայց մեկ պայմանով, որ մեկ տարի պետք է լինի անցումային կառավարություն։ Այդ օրակարգից անցումային կառավարության հատվածը չստացվեց, բայց ես կարծում եմ, որ «Հայրենիքի փրկության շարժումը» կատարել է իր առջև դրված խնդիրը՝ հանրության գերակշռող հատվածի մոտ կասկած չկա, որ Նիկոլ Փաշինյանը պետք է հեռանա»,- նշեց նա։

Արթուր Վանեցյանի խոսքով «Հայրենքի» կուսակցությունն տարբեր կուսակցությունների հետ ունենում քննարկումներ ։

«Կլինի դաշինքով մասնակցություն, թե միայնակ, առաջիկայում կհայտարարվի։ Կա քաղաքական ուժերի և անհատների մի խումբ, որն հակաիշխանականներ են, և կա մի խումբ, որոնք իշխանությունների հետ են։ «Հայրենիք» կուսկացությունը և ես մեր տեղը հստակ տեսնում ենք հակաիշխանական հատվածում»:

Անդրադառնալով Նիկոլ Փաշինյանի և իր խոսնակ Մանե Գևորգյանի դեմ ներկայացրած հայցի ետ վերցնելու, Վանեցյանը նշեց․ «Դատարանն ասաց, որ տեղեկությունը տարածվել էր վարչապետի խոսնակի անձնական էջով, և այդ դեպքում վարչապետը չի հանդիսանում պատասխանող կողմ և այդ հիմնավորմամբ ետ է վերցվել վարչապետի դեմ ներակայացված հայցը»։

Հարցին, թե երբ է վերջին անգամ հանդիպել ԱԺ փոխխոսնակ Ալեն Սիմոնյանին, Վանեցյանը պատասխանեց․ «Մի քանի ամիս առաջ ուղղակի տեսել ենք, խոսել, որևէ քաղաքական քննարկում չի եղել, բանագնացի ֆունկցիա նա չի կատարել»։

Հիշեցնենք, «Հայրենիք» կուսակցության ղեկավար Արթուր Վանեցյանը դատական հայց էր ներկայացրել Նիկոլ Փաշինյանի և նրա խոսնակ Մանե Գևորգյանի դեմ, քանի որ վերջինս իր ֆեյսբուքյան էջում գրել էր․ «Զանգեզուրի պղնձամոլիբդենային կոմբինատի Մինասյանի փայաբաժինն, օրինակ, առերեւույթ պաշտոնական լիազորությունների չարաշահմամբ եւ կրկին կեղծ փայատերերի օգնությամբ, ձեռք է բերել ԱԱԾ նախկին տնօրեն Արթուր Վանեցյանը։ Վերջինիս հորը պատկանող ընկերությունը դարձել է նաեւ ԶՊՄԿ-ի բեռների խոշոր փոխադրող»։

Արթուր Վանեցյանը պահանջում էր պարտավորեցնել վարչապետին եւ նրա խոսնակին զրպարտություն հանդիսացող փաստացի տվյալները հրապարակայնորեն հերքել, դրանք հեռացնել, հերքման տեքստը հրապարակել, ինչպես նաեւ պատվին եւ արժանապատվությանը պատճառված վնասը փոխհատուցել։

Տպել
Կարդացեք նաև
Ամբողջը
Ավստրալիայի խորհրդարանում կքննարկվի երկրի կողմից Հայոց ցեղասպանության ճանաչման հարցը
Եթե ելույթ ունեցողների մեծ մասը կողմ հանդես գա բանաձևին, ապա...
«Սինոփսիս»-ի նախագահ Չի-Ֆուն Չանը հարգանքի տուրք է մատուցել Ցեղասպանության նահատակների հիշատակին
Չի-Ֆուն Չանը Հայոց ցեղասպանության զոհերի հիշատակը հավերժացնող հուշակոթողի անմար կրակի մոտ մեկ րոպե…
Մեծ Բրիտանիայում առաջին քայլն արվեց Հայոց ցեղասպանության ճանաչման գործում. դեռ շատ անելիք կա. Սասունյան
Ահա ներկայացված թիվ 190 58/2 օրինագծի ամբողջական տեքստը՝ «Հայոց ցեղասպանության ճանաչման մասին օրինագիծը» վերնագրով...
Ուկրաինացի պատգամավորներն այցելել են Ծիծեռնակաբերդի հուշահամալիր
Երեւանում մեկնարկել են Ուկրաինայի հայերի միության միջոցառումները, որոնց մասնակցելու համար Հայաստան է ժամանել Ուկրաինայից ավելի քան 70 հյուր...
ԱԳ նախարարը Փարիզում հարգանքի տուրք է մատուցել Հայոց ցեղասպանության զոհերի հիշատակին
Արարատ Միրզոյանը Փարիզում Կոմիտաս Վարդապետի հուշարձանի մոտ հարգանքի տուրք է մատուցել…
Համապարփակ զեկույցը բացահայտում է Թուրքիայի լոբբինգի ամբողջական ձախողումը Վաշինգտոնում. Հարութ Սասունյան
Էրդողանի մտերիմ ընկերոջ՝ Թրամփի հեռանալուց հետո, Վաշինգտոնում քաղաքական դաշտն ավելի մռայլ է դարձել Թուրքիայի համար…