Չինաստանը դիտարկում է Երկրին մոտեցող աստղակերպերից պաշտպանության համակարգի ստեղծումը, քանի որ երկիրը ակտիվացնում է իր երկարաժամկետ տիեզերական հավակնությունների իրականացման ջանքերը: Այս մասին հայտարարել է Չինաստանի ազգային տիեզերական վարչության ղեկավար Չժան Կեցիանը, հայտնում է Reuters-ը:
Վերջին տարիներին Չինաստանը տիեզերքի յուրացումն իր գլխավոր առաջնահերթությունն է դարձրել՝ նպատակ ունենալով մինչեւ 2045 թվականը տարեկան հազարավոր տիեզերական թռիչքներ իրականացնելու եւ տասնյակ հազարավոր տոննա բեռներ ու ուղեւորներ տեղափոխելու ծրագիր ստեղծել:
Անցյալ ամիս նա Ռուսաստանի հետ միջազգային լուսնային հետազոտական կայան հիմնելու մասին փոխըմբռնման հուշագիր էր ստորագրել:
