News
Լրահոս
News
Ուրբաթ
Դեկտեմբեր 03
Տեսնել լրահոսը

Ամերիկայի Միացյալ Նահանգներն այժմ ամեն մակարդակում ճանաչել է Հայոց Ցեղասպանությունը։ Այս մասին այսօր՝ ապրիլի 24-ին, NEWS.am-ի հետ զրույցում նշեց Ամերիկայի Հայ դատի հանձնախմբի խոսնակ Էլիզաբեթ Չուլջյանը:

«Գործադիր մարմինը վերջինն էր, որը ճանաչեց Հայոց Ցեղասպանությունը։ Ներկայացուցիչների պալատը և Սենատը ճանաչել էին Հայոց ցեղասպանությունը, ԱՄՆ 45 նահանգները՝ ևս։ Իր խոսքով ինքը վերջ է դնում մոտ 40 տարի թուրքական կառավարության կողմից արտաքին ճնշամիջոցներ բանեցնելուն Ամերիկայի վրա, որպեսզի սրա շուրջ ճիշտ չխոսի։ Այլևս վերացած է սա, և Ամերիկան կարող է ճիշտ ձևով հիշել, ոգեկոչել և դատապարտել Հայոց ցեղասպանությունը»,- նշեց նա։

Ըստ Էլիզաբեթ Չուլջյանի՝ ԱՄՆ նախագահը վերահաստատեց, որ ամեն երկիր պարտականություն ունի ոչ միայն Ցեղասպանությունը ճանաչելու, այլ նաև ցեղասպան երկրների նկատմամբ պատժամիջոցների կիրառելու։

«1965 թվականից ի վեր նահանգ առ նահանգ Ամերիկայի Միացյալ Նահանգները ճանաչում է Ցեղասպանությունը՝ ցույց տալով, որ Թուրքիան չէ որոշողը Ամերիկայի քաղաքականությունը Հայոց ցեղասպանության վերաբերյալ, այլ որ Ամերիկան ինքը պետք է որոշի։ Այսօր այդ ճշտմարտությունը հաղթեց»,- ասաց Էլիզաբեթ Չուլջյանը։

Էլիզաբեթ Չուլջյանի կարծիքով՝ սա ոչ միայն պատմական կարևորություն ունի, այլ նաև կարևոր է Հայաստանի ապագայի համար․ «Սա կարևոր քայլ է դեպի արդարություն, որին հայ ժողովուրդն արժանի է։ Եվ անվտանգության համար, որն անպայման կարևոր է Հայաստանի գոյատևման համար»։

Էլիզաբեթ Չուլջյանի խոսքով՝ Ամերիկայի Հայ դատի հանձնախմբի հաջորդ քայլն է աշխատել  Ամերիկայի կառավարության հետ Հայաստանի առաջնահերթություններն առաջ տանելու համար։

«Պետք է աշխատել Հայաստանի նկատմամբ ունեցած քաղաքականությունը վերակառուցելու ուղղությամբ, որպեսզի կարողանանք պաշտպանել Հայաստանի և Արցախի անվտանգությունը և տարածաշրջանում ստեղծենք խաղաղություն, որը հիմնված է արդարության վրա։

Նաև օգնենք նրանց, որոնք Թուրքիայի և Ադրբեջանի հարձակումների պատճառով ստիպված տեղահան են եղել իրենց տներից։ Աշխատել ռազմագերիների հարցի լուծման համար, որ Ամերիկայի Միացյալ Նահանգները ավելի հստակ միջնորդի դեր ունենա հարցի լուծման մեջ, և կենտրոնանալ Թուրքիայի և Ադրբեջանի պատժամիջոցների վրա 44-օրյա պատերազմում իրենց գործած ոճիրների համար»,- ավելացրեց Էլիզաբեթ Չուլջյանը։

Հիշեցնենք, որ այսօր՝ ապրիլի 24-ին՝ Հայոց ցեղասպանության 106-րդ տարելիցին՝ ԱՄՆ նախագահ Ջո Բայդենն իր ուղերձում օգտագործեց «Հայոց Ցեղասպանություն» եզրույթը։

Նշենք, որ ԱՄՆ նախագահի կողմից Հայոց ցեղասպանության պաշտոնական ճանաչման ուղղությամբ երկար տարիներ աշխատել են Ամերիկայի հայկական սփյուռքի կառույցները, մասնավորապես` ԱՄՆ-ում «Հայ Դատի» գրասենյակները: Բացի այդ, ըստ մի շարք փորձագետների, դրան նպաստել է նաեւ Վաշինգտոնի եւ Անկարայի հարաբերությունների վատթարացումը՝ կապված մի շարք հարցերի վերաբերյալ նախագահ Ռեջեփ Էրդողանի վարած քաղաքականության հետ:

 

ԱՄՆ նախագահ Ջո Բայդենը օգտագործել է Ցեղասպանություն եզրույթը

https://news.am/arm/news/640671.html

!
Այս նյութը հասանելի է նաև   Русский
Տպել
Կարդացեք նաև
Ամբողջը
Հայոց ցեղասպանության թանգարան-ինստիտուտի գրադարանը համալրվել է Իսրայել Չարնիի անձնական գրադարանի գրքերով
2011 թ. Իսրայել Չարնին արժանացել էր Հայաստանի Հանրապետության Նախագահի մրցանակի «ի ճանաչումն տասնամյակների ակադեմիական աշխատանքի և ի նպաստ...
Ավստրալիայի կառավարության կողմից Հայոց ցեղասպանության ճանաչումը ժամանակի հարց է. Հայ դատի հանձնախումբ
Պատգամավոր Թրենթ Զիմերմանի առաջ քաշած բանաձևը հորդորում է Ավստրալիայի...
Ավստրալիայի խորհրդարանում կքննարկվի երկրի կողմից Հայոց ցեղասպանության ճանաչման հարցը
Եթե ելույթ ունեցողների մեծ մասը կողմ հանդես գա բանաձևին, ապա...
«Սինոփսիս»-ի նախագահ Չի-Ֆուն Չանը հարգանքի տուրք է մատուցել Ցեղասպանության նահատակների հիշատակին
Չի-Ֆուն Չանը Հայոց ցեղասպանության զոհերի հիշատակը հավերժացնող հուշակոթողի անմար կրակի մոտ մեկ րոպե…
Մեծ Բրիտանիայում առաջին քայլն արվեց Հայոց ցեղասպանության ճանաչման գործում. դեռ շատ անելիք կա. Սասունյան
Ահա ներկայացված թիվ 190 58/2 օրինագծի ամբողջական տեքստը՝ «Հայոց ցեղասպանության ճանաչման մասին օրինագիծը» վերնագրով...
Ուկրաինացի պատգամավորներն այցելել են Ծիծեռնակաբերդի հուշահամալիր
Երեւանում մեկնարկել են Ուկրաինայի հայերի միության միջոցառումները, որոնց մասնակցելու համար Հայաստան է ժամանել Ուկրաինայից ավելի քան 70 հյուր...
Ամենաշատ