Ինքնիշխանության խնդիրը պետք է դիտարկել մեր արեւմտյան գործընկերների միջամտության պրիզմայով: Ապրիլի 26-ին «Անկախություն եւ ինքնիշխանություն. սպառնալիքները եւ մարտահրավերներ ժամանակակից Հայաստանի համար» թեմայով համաժողովի ժամանակ այս մասին ասաց ՀՀ-ում Ռուսաստանի Դաշնության գործերի ժամանակավոր հավատարմատար Ալեքսեյ Սինեգուբովը:
Այստեղ, նրա խոսքերով, Հայաստանն ու Ռուսաստանը համագործակցության շատ լայն դաշտ ունեն: «Հաշվի առնելով այն փաստը, որ արժեքային հարցերն այն հիմքն են, որը շատ սերտ կապում է մեր ժողովուրդներին, հաստատելով նրանց հոգեւոր եւ քաղաքակրթական մտերմությունը, պետությունները ոչ միայն կարող են, այլեւ պարզապես պարտավոր են սերտորեն համագործակցել նշված թեմայով»- ասաց Սինեգուբովը:
