Վրաստանի խորհրդարանի պատգամավորները 86 կողմ եւ վեց դեմ ձայներով խորհրդարանի նախագահի պաշտոնում ընտրել են իշխող «Վրացական երազանք՝ Ժողովրդավարական Վրաստան» իշխող կուսակցության ներկայացուցիչ Կախա Կուչավային, փոխանցում է «Sputnik Վրաստան»-ը:
Նոր նախագահի ընտրությունն անհրաժեշտ էր այն բանից հետո, երբ Արչիլ Թալակվաձեն հրաժարական տվեց այս պաշտոնից:
Կուչավան նախագահի պաշտոնի միակ թեկնածուն էր եւ ստացել է իր բոլոր կուսակցականների եւ ընդդիմության մի մասի աջակցությունը:
«Ինձ համար սա մեծ պատիվ եւ պատասխանատվություն է: Համոզված եմ, որ այսօր Վրաստանի խորհրդարանում նոր փուլ է սկսվում: Տեղի է ունեցել բազմակուսակցական խորհրդարան, որի մեջ ընտրողների ձայները լիովին ներկայացված են եւ կլսվեն: Իմ կողմից ես խոստանում եմ պահել հավասարակշռությունը եւ խթանել ժողովրդավարական գործընթացները խորհրդարանում»,- հայտարարել է Կուչավան:
Կուչավան Վրաստանի խորհրդարանի անդամ էր դարձել 2016-ին եւ վերընտրվել էր 2020-ի ընտրություններում: Դրանից առաջ նա աշխատել է որպես George Copperand Gold երկրաբանական ընկերության գլխավոր տնօրեն, Կովկասյան հանքային ջրերի գլխավոր տնօրեն: