Microsoft-ը թողարկել է հրատապ թարմացում, որը շտկում է Windows-ում առկա խնդիրները, հայտնում է Lenta-ն՝ հղում անելով Bleeping Computer հրատարակչությանը:
Ըստ ընկերության մասնագետների՝ Microsoft-ում ուշադրություն են դարձրել օգտվողների շրջանում խաղերի հետ կապված խնդիրների վրա՝ մի շարք թարմացումների թողարկումից հետո: Ընկերությունում խոստովանել են կրիտիկական սխալների առաջացման փաստը եւ արդեն առաջարկել են միջոցներ, որոնք կարգավորում են խնդիրը: Թարմացումը կարելի է ստանալ «Windows-ի թարմացումների կենտրոն»-ի միջոցով կամ համակարգիչը վերագործարկելով: «Ուշադրություն դարձրեք, որ թարմացման գործարկումը կարող է մինչեւ 24 ժամ տեւել»,- ասված է ընկերության հայտարարության մեջ:
Բացի այդ, Microsoft-ի ինժեներները բացատրել են այն խնդրի բնույթը, որին նախկինում բախվել էին խաղացողները: Նրանց խոսքով՝ խափանումները տեղի են ունենում այն ժամանակ, երբ օգտվողները խաղում են լայնէկրան կամ առանց սահմանի պատուհանային ռեժիմով եւ օգտագործում են երկու կամ ավելի մոնիտորներ: Հաղորդագրության մեջ նշվում է, որ խնդիրը հայտնաբերվել է Windows-ի լիցենզավորված օրինակների փոքր թվով տերերի մոտ:
Microsft ֆորումի այցելուները նաեւ նկատել են, որ խնդիրները կարելի է շտկել խնդրահարույց թարմացումը հեռացնելով: «Ես նորից վերադարձա Windows 10-ի 1909 տարբերակին եւ խաղերի հետ կապված խնդիրներ չունեմ, նույնիսկ YouTube-ը չի դանդաղում»,- նկատել է օգտատերերից մեկը: