«Իմ քայլը» խմբակցության նախաձեռնությամբ Ազգային ժողովում ընթանում է արտահերթ նիստ:
Նիստի օրակարգում ընդգրկված է երկու հարց.
- «ՀՀ Քրեական օրենսգրքում փոփոխություններ եւ լրացումներ կատարելու մասին», «Վարչական իրավախախտումների վերաբերյալ ՀՀ օրենսգրքում փոփոխություններ եւ լրացումներ կատարելու մասին» եւ ««ՀՀ քաղաքացիության մասին» օրենքում լրացում կատարելու մասին» օրենքների նախագծերի փաթեթը,
- «ՀՀ Հարկային օրենսգրքում փոփոխություն կատարելու մասին օրենքի նախագիծը։
Նշենք, որ առաջին փաթեթը վերաբերում է մասնավորապես, նախընտրական քարոզչությանը խոչընդոտելու համար պատասխանատվություն սահմանելուն: Գործող կարգավորումներով պատասխանատվություն է նախատեսված միայն քարոզչություն իրականացնելուն կամ քարոզչության իրականացնելուց հրաժարվելուն հարկադրելու համար: