Ադրբեջանցիներն Արցախի Մարտակերտի շրջանի Նոր Ղազանչի գյուղի հարակից իրենց դիրքից կրկին առաջ են եկել: Այս տեղեկությունը NEWS.am-ին հաստատեց Մարտակերտի շրջվարչակազմի ղեկավար Հայկ Բախշիյանը:
Բախշիյանը հայտնեց, որ բանակցություններ են այս պահին ընթանում ռուս խաղաղապահների մասնակցությամբ. «Հիմա հավաքվում են, որ հետ գնան, տեսնենք։ Եկել են այնքան, որքան որ նախորդ անգամ էին եկել։ Պատճառաբանում են, որ իրենց վերադասի հրամանն են կատարում»։
Հիշեցնենք, որ ապրիլի 25-ի երեկոյան ադրբեջանցիները Մարտակերտի շրջանի Նոր Ղազանչի գյուղի վարչական տարածքին պատկանող իրենց դիրքից 370 մետր առաջ էին եկել: Բանակցությունների արդյունքում ադրբեջանցիներն իրենց դիրքերը նույնչափ հետ էին տվել: