Թուրքիայի նախագահ Ռեջեփ Էրդողանը խորամանկ քաղաքական գործիչ է, եւ նրան ձեռնտու չէ ամերիկյան բազաները հանելը դուրս բերելը: Այս մասին «Ժուռնալիստսկայա պրավդա»-ի հետ զրույցում ասել է Մերձավոր Արեւելքի եւ Կենտրոնական Ասիայի ուսումնասիրման կենտրոնի տնօրեն Սեմյոն Բաղդասարովը՝ խոսելով այն մասին, թե արդյոք Թուրքիան պատասխան միջոցներ կձեռնարկի՝ կապված ԱՄՆ-ի կողմից Հայոց ցեղասպանության ճանաչման հետ:
«Թուրքիան միայն հայտարարություններով եւ սպառնալիքներ կպատասխանի: Ոչ մի լուրջ բան ԱՄՆ-ի դեմ չի ձեռնարկվի: Թույլ միջոցներ են ձեռնարկվում: Էրդողանը խորամանկ քաղաքական գործիչ է, եւ նրան ձեռնտու չէ ամերիկյան բազաները հանելը: Ենթադրում եմ՝ այժմ նա պատրաստվում է Ջո Բայդենի հետ հանդիպման, եւ կհայտարարի լավ փոխհարաբերությունների նոր դարաշրջանի մասին»,-ասել է նա: