News
Լրահոս
News
Հինգշաբթի
Հունվար 27
USD
482.47
EUR
544.52
RUB
6.1
Տեսնել լրահոսը

ՀՀ վարչական դատարանում՝ նախագահությամբ դատավոր Մերի Համբարձումյանի, «ՀՀ զինված ուժերի գլխավոր շտաբի պետի նախկին առաջին տեղակալ Տիրան Խաչատրյանն ընդդեմ Հանրապետության նախագահ Արմեն Սարգսյանի» գործով դատական նիստին հայցվորի ներկայացուցիչը հայտնեց, որ խախտվել է Տիրան Խաչատրյանի լսված լինելու իրավունքը։

Ներկայացուցիչը հղում կատարելով ՀՀ սահմանադրության 50-րդ հոդվածին, Մարդու իրավունքների եվրոպական ազատությունների պաշտպանության կոնվենցիայի 13-րդ հոդվածին նշեց, որ չի ապահովվել Տիրան Խաչատրյանի լսված լինելու իրավունքը. «Մինչդեռ Սահմանադրությունն ամրագրում է, որ միջամտող վարչական ակտ ընդունելիս անձի լսված լինելու իրավունքը պետք է ապահովվի։ Զինվորական ծառայության եւ զինծառայողի կարգավիճակի մասին ՀՀ օրենքի համաձայն՝ բարձրագույն հրամանատարական կազմի զինվորական ծառայողներին պաշտոնից ազատումն իրականացվում է հետեւյալ կարգով՝ նախ պետք է լինի վարչապետի առաջարկությունը ուղղված ՀՀ նախագահին, պետք է լինի բարձրագույն հրամանատարական կազմի զինվորական ծառայողներին պաշտոնից ազատելու նախագիծը եւ պետական լիազոր մարմնի համապատասխան միջնորդությունը։ Տիրան Խաչատրյանն այս փաստաթղթերի բովանդակության վերաբերյալ որեւէ տեղեկություն չի ունեցել, այսինքն՝ հնարավորություն չի տրվել այս ամբողջ գործընթացին հայցվորին ներկայացնել իր դիրքորոշումը»։

Նա անդրադարձավ նաեւ Yerevan.today լրատվական կայքում Խաչատրյանի վերաբերյալ հոդվածին. «Քանի որ ժամանակագրական տեսանկյունից դեպքերի դասավորվածությունն այնպիսին է եղել, որ թե՛ հրամանագրի կայացումը, թե՛ Yerevan.today-ի հոդվածի հրապարակումը տեղի է ունեցել միեւնույն օրը, ենթադրաբար հաշվի է առնվում, որ ազատման հիմքում դրված է կայքում հրապարակված հոդվածը։ Սակայն հայցվորից բացատրություն չի պահանջվել այդ հոդվածի վերաբերյալ»։

Ներկայացուցիչը պնդեց, որ ՀՀ նախագահը խախտել է ՀՀ սահմանադրության 123-րդ հոդվածի 3-րդ մասը. «Հապճեպ որոշումը կայացնելիս նախագահը լիազորություն իրականացնելիս չի ապահովել անաչառություն»։

Ըստ հայցվոր կողմի՝ հայցի հիմքերից մեկն էլ խտրական վերաբերմունքն է. «Հղում կատարելով ՀՀ սահմանադրության 29-րդ, 57-րդ հոդվածներին, Աշխատանքային օրենսգրքի 7-րդ հոդվածի 7-րդ մասին, 3-րդ հոդվածի 1-ին մասին, նշում ենք, որ նույնիսկ եթե Տիրան Խաչատրյանին ազատելու հիմքում դրվել է կայքում հրապարակված մի հոդված, ապա զինծառայողները՝ որպես այդպիսին, ունեն Սահմանադրությամբ երաշխավորված իրավունքներ, այսինքն՝ կարծիքի արտահայտման ազատություն, տեսակետ, հայեցակետ հայտնելու։ Եթե մարդը մի հոդվածով ազատվում է կոնկրետ որեւիցե մի պաշտոնից, հետեւաբար այս դեպքում դրսեւորվում է անձի գործնական հատկանիշների հետ չկապված խտրականություն»։

Հիշեցնենք, որ Տիրան Խաչատրյանը դիմել է դատարան՝ պահանջելով անվավեր ճանաչել  ՀՀ նախագահ Արմեն Սարգսյանի հրամանագիրը՝ իրեն պաշտոնից ազատելու վերաբերյալ:

Գործով որպես երրորդ անձ ներգրավված են վարչապետի աշխատակազմն ու Զինված ուժերի գլխավոր շտաբը:

Հիշեցնենք, որ նախագահ Արմեն Սարգսյանը, հիմք ընդունելով վարչապետի առաջարկությունը, 2021 թվականի փետրվարի 24-ին հրամանագրով Խաչատրյանին ազատել էր Հայաստանի Հանրապետության զինված ուժերի գլխավոր շտաբի պետի առաջին տեղակալի պաշտոնից:

Նշենք, որ Տիրան Խաչատրյանը պաշտոնանկ եղավ է «Իսկանդեր» հրթիռի՝ 10 տոկոս պայթելու վերաբերյալ Նիկոլ Փաշինյանի հայտարարության վերաբերյալ երկար ծիծաղելու համար։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ընտանեկան խոսակցություն է լինելու, կպարզաբանեմ՝ ինչ է տեղի ունեցել իմ ու Օնիկ Գասպարյանի միջև. Նիկոլ Փաշինյան
Ես կարծում եմ, որ Տավուշի մարզում պետք է պարզաբանում տամ կոնկրետ իմ եւ գլխավոր շտաբի նախկին պետ Օնիկ Գասպարյանի հարաբերությունների մասին…
Օնիկ Գասպարյանի հաղորդման հիման վրա գործի հարուցումը մերժելու որոշման դեմ փաստաբանները բողոք են ներկայացրել դատարան
Վարչական դատարանը վարույթ է ընդունել ՀՀ ԶՈՒ ԳՇ պետ Օնիկ Գասպարյանի հայցադիմումն ու բավարարել միջնորդությունը…
Բա դուք չե՞ք ամաչում, ժամերով ԱԺ ամբիոնն օգտագործում եք նախկին իշխանություններին հայհոյելով, գետինը մտնեք.Արա Սահակյան
ՀՀԿ–«Հայրենիք» կուսակցություն դաշինքը հիմնված է քաղաքական նպատակահարմարության վրա…
Վերաքննիչ դատարանը Օնիկ Գասպարյանի բողոքը բավարարել է
Զինված ուժերի գլխավոր շտաբի նախկին պետ Օնիկ Գասպարյանի բողոքը բավարարելու մասին որոշում է կայացրել…
Մնա տանը՝ ձայնդ տուր Իլհամին. Վահե Հովհաննիսյան
Մի քանի գործոնների հանրագումարի պատճառով մշտապես առկա «տնային էլեկտորատը» այս անգամ շատ ավելի մեծ թիվ է կազմում...
Նիկոլն այլևս ՀՀ վարչապետը չի լինելու և մենք դա կտեսնենք ընտրություններից հետո. Բաբկեն Հարությունյան
Մարդիկ պետք է իրենց քվեն տան...
Ամենաշատ
Ֆոտոռեպորտաժներ