ՌԴ վարչապետ Միխայիլ Միշուստինը ՀՀ վարչապետ Նիկոլ Փաշինյանին ողջույններ է փոխանցել ՌԴ նախագահ Վլադիմիր Պուտինի կողմից եւ նշել, որ Ռուսաստանի համար թանկ են Հայաստանի հետ եղբայրական հարաբերությունները, եւ դրանք բազմամյա դաշնակցային եւ ռազմավարական բնույթ են կրում, հաղորդում է ՌԻԱ նովոստին:
«Առաջին հերթին ցանկանում եմ փոխանցել Վլադիմիր Վլադիմիրովիչ Պուտինի ջերմ ողջույնները եւ լավագույն մաղթանքները»,-ասել է Միշուստինը Փաշինյանի հետ հանդիպման ժամանակ:
Նա նշել է,որ Մոսվկայի համար կարեւոր են Երեւանի հետ եղբայրական հարաբերությունները:
Միշուստինի խոսքով՝ Լեռնային Ղարաբաղում մարտական գործողությունների ավարտից հետո ՌԴ, Ադրբեջանի եւ Հայաստանի առաջնորդների կողմից ընդունված հայտարարությունը մեծ հնարավորություններ է բացել համատեղ աշխատանքի համար:
«Դա առաջին հերթին բոլոր տնտեսական եւ տրանսպորտային կապերի ապաարգելափակումն է, նոր ենթակառուցվածքային երթուղիների ստեղծումը: Այդ ամենը պայմաններ է ստեղծում Անդրկովկասի տարածաշրջանի կայուն զարգացման համար»,-նշել է Միշուստինը:
