News
Լրահոս
News
Երեքշաբթի
Հունվար 25
USD
481.63
EUR
545.49
RUB
6.17
Տեսնել լրահոսը

Նախագահ Ջո Բայդենի կառավարման տարիներին Չինաստանին ուղղված ամերիկյան ռազմանավերի եւ դիտորդական ինքնաթիռների ակտիվությունը զգալիորեն աճել է, հայտարարել է Չինաստանի ՊՆ ներկայացուցիչ Վյու Ցյանը, հայտնում է AP-ն:

Նրա խոսքով՝ ԱՄՆ ռազմածովային ուժերի Mustin կործանիչը վերջերս մանրամասն հսկողություն է իրականացրել չինական Liaoning-ի եւ նրա մարտական խմբի վրա: «Սա լրջորեն ազդել է չինական կողմի ուսումնական միջոցառումների վրա եւ սպառնացել է երկու կողմերի նավարկությունների ու անձնակազմերի անվտանգությանը»,- ասել է նա՝ հավելելով, որ նավը նախազգուշացվել է, եւ պաշտոնական բողոք է ուղարկվել ԱՄՆ:

Պաշտոնյայի խոսքով՝ ԱՄՆ ռազմանավերի ակտիվությունն աճել է 20%-ով, իսկ օդանավերինը՝ 40%-ով:

«ԱՄՆ-ը հաճախ է նավեր ու ինքնաթիռներ ուղարկում Չինաստանի մերձակայքի ծովերում եւ օդային տարածքում աշխատելու համար՝ նպաստելով տարածաշրջանային ռազմականացմանը եւ սպառնալով տարածաշրջանային խաղաղությանն ու կայունությանը»,- ասել է Վու Ցյանը:

Նա նաեւ դատապարտել է չինական ինքնաթիռների տեղաշարժի վերահսկման քայլերի խստացումը Թայվանից կողմից: Անխուսափելի միավորումը կանխելու Թայվանի կառավարության ջանքերը նման են միջատի, որը փորձում է կանգնեցնել կառքը»,- ասել է նա:

 

!
Այս նյութը հասանելի է նաև   English and Русский
Տպել