Մեր այսօրվա ակցիայի նպատակը մեկն էր՝ դատախազության բոլոր աշխատակիցներն ասել, որ մենք վախեցող չենք, մենք պայքարող տեսակ ենք: Այս մասին, այսօր՝ ապրիլի 29-ին, Գլխավոր դատախազության մոտ բողոքի ակցիայի ժամանակ հայտարարեց ՀՅԴ բյուրոյի անդամ Արծվիկ Մինասյանը:
«Մենք մեր հայրենիքի ու մեր պետության, մեր նահատակ զինվորների հիշատակը պահելով ազատագրելու ենք մեր երկիրը բոլոր տիպի թուրք-ադրբեջանական գործակալներից: Այսօրվա ակցիայի նպատակը բացառապես խաղաղ բնույթ ուներ որ մեր գնահատականն ու ամոթը փոխանցենք իրավապահ մարմինների այն աշխատակիցներին, որոնք ոտնահարում են Հայաստանի շահը: Այս կամ այն իշխանությանը ծառայելը վեր են դասում հայրենիքին ծառայելուց: Հեռու չէ օրը, երբ պատասխան եք կրելու ձեր արածների ու չարածների համար»,-ասաց նա՝ հավելելով, որ կերտելու են առանց Նիկոլ Հայաստան:
Արծվիկ Մինասյանը հայտարարեց, որ այսօրվա ակցիան ավարտվում է, իսկ հաջորդիվ կներկայացնեն իրենց հետագա գործողությունները:
Նշենք, որ բողոքն ուղղված էր «Հայաստանում շարունակվող համատարած անօրինականության և իրավական քաոսի դեմ»:
Հիշեցնենք, որ այսօր ՀՅԴ անդամներից մի քանիսը հրավիրվել էին Քննչական վարչություն։