Եթովպիայում «Օրոմոյի ազատագրական բանակի» անջատողականների կողմից առնվազն 15 մարդ է սպանվել, հաղորդում է ՏԱՍՍ-ը:
«Խորո Գուդրու Վոլլեգի տարածքում գրոհայինները ապրիլի 30-ի երեկոյան կանգնեցրել են Ամհարա նահանգից դուրս եկած ավտոբուսը եւ սպանել են 15 ուղեւորների»,- հայտարարել է ոստիկանության տարածաշրջանային վարչության պետ Բերհանու Իբեյսին: Նրա խոսքով՝ կան վիրավորներ: Ոստիկանության լրացուցիչ ուժեր են ուղարկվել տարածք:
«Օրոմոյի ազատագրական բանակը» «Օրոմոյի ազատագրական ճակատի» ռազմական թեւն է, որը հաճախ գործում է ինքնուրույն: Խմբի ղեկավարները հայտարարել են, որ իրենց նպատակը Օրոմոյում անկախություն հաստատելն է։
